بىرنەشە وڭىردە سۋ دەڭگەيىنىڭ كوتەرىلۋ قاۋپى بار

سۋ دەڭگەيىنىڭ كوتەرىلۋى 16-17 ءساۋىر ارالىعىندا جاڭبىر مەن قاردىڭ, قاتتى جاۋىن-شاشىن سالدارىنان  بولۋى مۇمكىن.

«قاۋىپتى دەڭگەيدەن اسقان جاعدايدا وزەننىڭ تومەنگى اعىسىندا ورنالاسقان ەلدى مەكەندەردى, شارۋاشىلىق قۇرىلىستاردى جانە جەرگىلىكتى ماڭىزى بار جولداردى سۋ باسۋ قاۋپى بولۋى مۇمكىن», دەلىنگەن سينوپتيكتەر مالىمەتىندە.

سۋ دەڭگەيگە كوتەرىلۋى مۇمكىن وزەندەر:

تۇركىستان:
- ۋستە – كەلەس وزەنى (14 ءساۋىر ساعات 08.00-دە دەڭگەيى 294 سم بولدى. قاۋىپتى دەڭگەي – 500 سم);
- قاراسپان اۋىلى – بادام وزەنى (14 ءساۋىر ساعات 08.00-دە – 186 سم, قاۋىپتى دەڭگەي – 431 سم);
- ەكپىندى اۋىلى – بوگەن وزەنى (14 ءساۋىر ساعات 08.00-دە – 236 سم, قاۋىپتى دەڭگەي – 560 سم);
- قانتاعى اۋىلى – قاراشىق وزەنى (14 ءساۋىر ساعات 08.00-دە – 192 سم, قاۋىپتى دەڭگەي – 350 سم);
- بورالداي اۋىلى – بورالداي وزەنى (14 ءساۋىر ساعات 08.00-دە – 209 سم, قاۋىپتى دەڭگەي – 380 سم);
- جارىقباس اۋىلى – قاتتى بوگەن وزەنى (14 ءساۋىر ساعات 08.00-دە – 260 سم, قاۋىپتى دەڭگەي – 536 سم);
- اقبەت وزەنىنىڭ ساعاسىنان 3,3 كم تومەن – شايان وزەنى (14 ءساۋىر ساعات 08.00-دە – 118 سم, قاۋىپتى دەڭگەي – 260 سم);
- ارىس تەمىرجول ستانتسياسى – ارىس وزەنى (14 ءساۋىر ساعات 08.00-دە – 310 سم, قاۋىپتى دەڭگەي – 849 سم).

الماتى:
- فابريچنىي اۋىلى – ۇزىن قارعالى وزەنى (14 ءساۋىر ساعات 08.00-دە – 91 سم, قاۋىپتى دەڭگەي – 240 سم);
- سارىتورعاي شاتقالى – شارىن وزەنى (14 ءساۋىر ساعات 08.00-دە – 122 سم, قاۋىپتى دەڭگەي – 762 سم);
- تالعار قالاسى – تالعار وزەنى (14 ءساۋىر ساعات 08.00-دە – 274 سم, قاۋىپتى دەڭگەي – 368 سم).

جەتىسۋ:
- پلودوكونسەرۆنىي – كوكتال وزەنى (14 ءساۋىر ساعات 08.00-دە – 107 سم, قاۋىپتى دەڭگەي – 226 سم).