ەگور پەتۋحوۆ, انتون ساگادەەۆ جانە الەكسەي ماكليۋكوۆ رەسەي قۇراماسىندا ويناۋ ءۇشىن قازاقستان ازاماتتىعىنان باس تارتتى.
بۇعان دەيىن پەتۋحوۆتىڭ «بارىستان» كەتەتىنى تۋرالى حابارلانعان بولاتىن. سوڭعى ەكى ماۋسىمدا ماكليۋكوۆ ماگنيتوگورسك «مەتاللۋرگىندە» ونەر كورسەتتى. وعان دەيىن ءتورت جىل بويى «بارىستا» بولعان. ال ساعادەەۆ مانسابىن سوچيدە جالعاستىرۋدى جوسپارلاعان.
ۇشەۋى قازاقستان ازاماتتىعىن السا دا, رەسەي ازاماتتىعىنان باس تارتپاعان ەدى. ەندى ولار قازاقستان قۇراماسىندا ونەر كورسەتپەيمىز دەپ شەشىم قابىلداعان.
ەستەرىڭىزگە سالا كەتەيىك, اندرەي سكابەلكا ۇلتتىق كوماندانىڭ باس باپكەرى قىزمەتىنەن بوساتىلىپ, ورنىنا عالىم مامبەتاليەۆ تاعايىنداعان ەدى.
قازاقستان 12-28 مامىر ارالىعىندا ريگادا (لاتۆيا) جانە تامپەردە (فينليانديا) وتەتىن الەم چەمپيوناتىنا قاتىسادى. ولار توپتىق كەزەڭدە كانادا, چەحيا, لاتۆيا, سلوۆاكيا, سلوۆەنيا, نورۆەگيا جانە شۆەيتساريا كوماندالارىمەن وينايدى.
