رەۆولۆەرگە بالليستيكالىق ساراپتاما جۇرگىزىلگەننەن كەيىن كوميسسيا شەشىمى بويىنشا مەملەكەت پاۆلودارلىققا 100 مىڭ تەڭگەگە جۋىق قاراجات تولەيدى.
«ۋسولكا شاعىن اۋدانىنىڭ ماڭىندا سەرۋەندەپ جۇرگەنىمدە وسى رەۆولۆەر مەن وعان ەكى كارتريدج ورنالاسقان پوليەتيلەن پاكەتىن تاۋىپ الدىم, ول سيرەك كەزدەسەتىن قارۋ ەكەنىن ءبىلدىم. مەن ونى مۇراجايعا تاپسىرعىم كەلدى. مۇراجاي تۋرالى ءبىلۋ ءۇشىن الەۋمەتتىك جەلىلەردى قاراعان كەزدە پوليتسيانىڭ تىركەلمەگەن قارۋدى حالىقتان قابىلدايتىنى تۋرالى اقپاراتتى كورىپ, ونى ءوز ەركىممەن پوليتسياعا تاپسىرۋعا شەشىم قابىلدادىم», دەدى پاۆلودار تۇرعىنى.
پوليتسيا تاپسىرىلعان رەۆولۆەردى تاريحي جادىگەر رەتىندە پاۆلودار وبلىسى پد-نىڭ مۇراجايىنا بەرۋدى جوسپارلاپ وتىرعانىن اتاپ ءوتتى.
