جاۋابىمىز – جاڭا جەتىستىكتەر

كەيدە مەن وزىمە قازاقستاندىقتاردىڭ باسىن بىرىكتىرەتىن ەڭ باستى فاكتور قايسىسى دەگەن ساۋال قويامىن دا, وعان ۇنەمى بىردەن-ءبىر انىق جاۋاپ تابامىن. ول – تۇڭعىش پرەزيدەنتىمىز. ونىڭ قازاقستان تاريحىنداعى دا, سونداي-اق, اسىرا ايتقانىم ەمەس, بارشا ادامزاتتىڭ تاريحىنداعى دا ورنى اسا زور. نۇرسۇلتان ءابىش ۇلىنىڭ تۋعان كۇنى ونىڭ باسشىلىعىمەن قول جەتكەنىمىزدىڭ ءبارىن تاعى ءبىر باعالاۋعا جانە ارينە, ەلباسىمىز تۋرالى وي تولعاۋعا تۇرتكى بولارى حاق. ەلباسىمىزبەن ءاربىر كەزدەسۋىم مەنىڭ جادىمدا جاقسى ساقتالىپ قالدى. نۇرسۇلتان ءابىش ۇلى ءبىزدىڭ كوممانديتتىك سەرىكتەستىگىمىزدىڭ القاپتارىندا بىرنەشە مارتە بولدى, مال فەرمالارىن دا ارالاپ, شارۋاشىلىقپەن تانىستى. ال, وسىنىڭ ءبارى ۇلكەن قيىنشىلىقتارعا ۇرىندىرعان 90-شى جىلدارى باستالعان-دى. بۇل قۇلدىراۋ مەن اقشا تاپشىلىعىنىڭ كەزى ەدى. بارلىق ەكونوميكالىق بايلانىس­تار ۇزىلگەن. بۇعان دەيىن ءبىز جوسپارلى ەكونوميكاعا سۇيەنىپ جۇمىس ىستەپ, جوعارىدان نۇسقاۋ كۇتىپ داعدىلانعان ەدىك. كەنەتتەن بىزگە ويلاماعان ەركىندىك ءتيىپ, ء“ومىر سۇرگىڭ كەلسە, قيمىلداي ءبىل!” دەگەن قاعيداعا تاپ بولدىق. مىنە, ناق وسى كۇردەلى دە كۇرمەۋى قيىن ۋاقىتتا نۇرسۇلتان نازارباەۆ ەلىمىزدىڭ پرەزيدەنتى بولىپ سايلاندى. ول سوندا وزىنە ءتان ۇلكەن باتىلدىقپەن جانە شەشىمدىلىكپەن قازىناسى جۇتاعان مەملەكەتتىڭ تىزگىنىن قولىنا الدى. مەن وسى ادامنىڭ كاسىپورىندارعا قايتادان جان بىتىرگەن, جۇمىس ورىندارى اشىلعان رەفورمالاردى قالاي تاماشا جۇرگىزە العانىنا ءالى كۇنگە تاڭعالامىن. بىزدەر, قازاقستاندىقتار, ەلباسىنىڭ بارلىق اقىل-كەڭەستەرىن ىسىمىزگە نۇسقاۋ رەتىندە قابىلدادىق. بۇكىل مەملەكەتتى, سونىڭ ىشىندە, ارينە, اگرارلىق سالانى دا رەفورمالاۋ باستالدى. وسىناۋ جاڭعىرتۋلار بۇكىل قازاقستاندىقتاردى قامتىعانىمەن, جەر-جەردە ءارتۇرلى اتقارىلدى. كەي جەرلەردە كەڭشارلار ىدىراتىلىپ, شاعىن شارۋاشىلىقتارعا ءبولىنىپ كەتتى. ال, كەيبىرەۋلەر دۇرىس باعىت تاۋىپ, قولدا باردى ساقتاپ قالدى. ءبىز بولساق, ءوزىمىزدىڭ بۇرىنعى “نوۆونيكولسكي” كەڭشارىندا العاشقى كەزدەرى قاۋىمداستىق قۇردىق. مىنە, سول كەزدە ءبىزدىڭ وبلىسىمىزدا بولعان پرەزيدەنت شارۋاشىلىق جۇرگىزۋدىڭ بۇل ءتۇرىنىڭ بۇرىنعى كەڭشاردىڭ ءبىر ءتۇرى ەكەنىن اتاپ ايتتى. ءبىز ونىڭ ەسكەرتپەسىنە بىردەن قۇلاق اسىپ, كوپ ۇزاماي كوممانديتتىك سەرىكتەستىك قۇردىق. سول قيىن جىلدارى نۇرسۇلتان ءابىش ۇلى ادامداردان قيىندىقتاردى ەش جاسىرمادى, ولارعا ءۇيىپ-توگىپ ۋادە بەرمەدى. ونىڭ ء“بىز سىزدەرگە جەر بەردىك, سونى پايدالانىڭىزدار دا, 3-4 جىل شىداڭىزدار. سودان سوڭ ءبارى وڭالادى”, دەگەن سوزدەرى ءالى جادىمدا. پرەزيدەنتپەن كەزدەسۋلەر كوڭىلگە ءۇمىت ۇيالاتىپ, بويعا جىلىلىق دارىتىپ وتىردى. ءبىز ونىڭ سەنىمىنەن شىعۋعا تىرىستىق. اۋەلگىدە ءوز قاراجاتىمىزعا ءسۇتتى قاعاز قاپشىققا قۇيىپ شىعاراتىن اپپارات ساتىپ الدىق. سودان كەيىن 2 پرەسس ورناتىپ, ماي وندىرەتىن بولدىق. ودان ءارى جارما وندىرەتىن جابدىقتار ساتىپ الدىق. كەيىنىرەك, اۋىلدا دۇكەن اشىپ, ­تاۋارلاردى اۋىلداستارىمىزعا ەڭبەكاقى ەسەبىنە بەردىك. ءبىر سوزبەن ايتقاندا, تىرەلگەن تىعىرىقتان شىقتىق. پرەزيدەنت ءبىزدىڭ شارۋاشىلىعىمىزعا تاعى ءبىر ساپارى كەزىندە اۋىل تۇرعىندارىنان “جاعدايلارىڭىز قالاي؟”, – دەپ سۇراعاندا ولاردى ءبىزدىڭ وبلىسىمىز تاراتىلماي ما دەگەن ساۋال عانا تولعاندىرعان ەدى. ودان باسقا ماسەلە تۋىندامادى. جانە باسقاشا بولۋى مۇمكىن دە ەمەس ەدى. نۇرسۇلتان ءابىش ۇلى شارۋاشىلىقتىڭ دامىپ وتىرعانىن, ادامداردىڭ لايىقتى تۇرمىس قۇرىپ, جۇمىس ىستەپ جاتقانىن كوردى. مەن ەلباسىمەن وسى كەزدەسۋگە نوۆونيكولسكىنىڭ حورىن شاقىرعانىم ەسىمدە. وعان قاتىسۋشىلاردىڭ ءبارى مەنىڭ بەلگى بەرۋىمدى توسىپ, جۇگەرى القابىنىڭ جانىندا تۇردى. نۇرسۇلتان ءابىش ۇلىنا اۋىل تۇرعىندارىنىڭ ونىمەن كەزدەسكىسى كەلەتىنىن ايتقانىمدا ءبىزدىڭ ارتىستەرىمىز اعاش ىشىنەن قولدارىنا گۇل ۇستاپ, “التىن القاپ جايقالعاندا” ءانىن شىرقاپ شىعا كەلدى. پرەزيدەنت تە قۋانىشتى راي تانىتا, ولارعا قارسى ءجۇردى. سوسىن حورعا قوسىلىپ, «القاپقا جاس اگرونوم شىققاندا» ءانىن شىرقادى. مەملەكەت باسشىسىنىڭ ءبىزدىڭ شارۋاشىلىعىمىزعا ساپارلارىنىڭ ءبىرى كەزىندە “مەن بۇگىن ءوزىمنىڭ دوسىممەن كەزدەسىپ تۇرمىن”, دەگەن ناعىز جانباۋرار سوزدەرى ەسىمدە قالدى. ونىڭ سول جىلى لەبىزى ماعان زور رۋحاني قولداۋ بولدى. ەلباسىنا سول ءۇشىن زور العىسىمدى بىلدىرەمىن. ءبىزدىڭ پرەزيدەنتىمىز قالىپتاسقان جاعدايدى وتە جاقسى بىلەدى, الىس بولاشاقتى دا بولجاي الادى. باعدارلامالاردى تاماشا جاسايدى. قاراڭىزدارشى, قانداي ساۋلەتتى استانانى سالىپ بەردى. مەن ونىمەن ءۇش رەت شەتەلدەردە ساپارلاس بولدىم. وزگە مەملەكەتتەردىڭ وكىلدەرىنىڭ وعان قانداي قۇرمەت بىلدىرەتىنىن ماقتانىشپەن ايتا الامىن. بۇعان قول جەتكىزۋ وڭاي ەمەس. “مەن – قازاقستاندىقپىن” دەسەڭىز, شەتەلدىكتەردىڭ ء“ا, نازارباەۆ!” دەپ جاۋاپ بەرەتىنى ودان بەتەر سۇيىندىرەدى. مۇنىڭ ءوزى نۇرسۇلتان نازارباەۆتىڭ ءبىزدىڭ كوشباسشىمىز عانا ەمەس, ونىڭ بەدەلىن بۇكىل الەم مويىنداعانىن, ونى قۇرمەتتەپ, اقىل-كەڭەسىنە جۇگىنەتىنىن بىلدىرسە كەرەك. بۇعان قوسا, اگراري رەتىندە مەنى ونىڭ ادامدارمەن جاي عانا سويلەسىپ قويماي, ولاردى تولعاندىراتىن ماسەلەلەردى كوتەرەتىنى سۇيسىندىرەدى. نۇرسۇلتان ءابىش ۇلى ءبىزدىڭ شارۋاشىلىعىمىزعا كەلگەن كەزىندە ادامدارمەن ولارعا تۇسىنىكتى تىلدە سويلەستى. ويتكەنى, ءبىزدىڭ پرەزيدەنتىمىز قاراپايىم شاڭىراقتان شىققان جانە ونى ءوزى دە جاسىرمايدى. ادامدار وعان سەنەدى. ال, ءبىز ونىڭ ايتقاندارىن جۇزەگە اسىرۋعا كۇش سالامىز. ەندى, ەلباسىمىز قازاقستاندى الەمنىڭ بارىنشا دامىعان 30 مەملەكەتىنىڭ قاتارىنا ەنگىزۋ ستراتەگياسىن ۇسىنىپ وتىر. بۇل – بيىك تە يگى ماقسات. ءبىز ونى جۇزەگە اسىرۋعا ۇمتىلۋىمىز كەرەك. پرەزيدەنت بۇرىن دا, بۇگىن دە قازاقستان مىقتى دا گۇلدەنگەن مەملەكەت بولۋى ءۇشىن ءبارىمىز تىزە قوسا جۇمىس ىستەپ, العا باسۋىمىز كەرەكتىگىن ايتىپ كەلەدى. مەن نۇرسۇلتان ءابىش ۇلىنا زور دەنساۋلىق, ارقاشاندا ەلدىڭ جانە بۇكىل دۇنيەجۇزىنىڭ ساياسي ءومىرىنىڭ اسقار بيىگىندە بولۋىن تىلەيمىن. گەننادي زەنچەنكو, «زەنچەنكو جانە ك» كوممانديتتىك سەرىكتەستىگىنىڭ باس ديرەكتورى, قازاقستاننىڭ ەڭبەك ەرى. سولتۇستىك قازاقستان وبلىسى.