• 05 شىلدە, 2014

قۇرمەتتى وتانداستار!

270 رەت

كورسەتىلدى

2 مين

وقۋ ءۇشىن

Egemen Qazaqstan

قازاقستان حالقى اسسامبلەياسى سىزدەردى شىن جۇرەكتەن سۇيىكتى ەلوردامىزدىڭ تۋعان كۇنى – استانا كۇنىمەن قۇتتىقتايدى! ەلوردامىزدىڭ تۋعان كۇنى – ءاربىرىمىز ءۇشىن ەرەكشە ىستىق جالپىحالىقتىق مەرەكە. استانا قازاقستان حالقىنىڭ رۋحاني ورلەۋىنىڭ تىرەگىنە, بىرلىگى مەن ىنتىماعىنىڭ بەلگىسىنە, ەلىمىزدىڭ جاسامپاز جەڭىستەرىنىڭ كورىنىسىنە جانە قازاقستاندىق ارماننىڭ ىسكە اسۋىنىڭ ايقىن دالەلىنە اينالدى. استانا – ازاتتىق پەن تاۋەلسىزدىكتىڭ بەينەسى, ەلدىڭ, حالىقتىڭ, قوعامنىڭ جاڭا تاريحىنىڭ باستاۋى. قازاقستان رەسپۋبليكاسىنىڭ پرەزيدەنتى – ەلباسى ن.ءا.نازارباەۆتىڭ تاريحي جانە تاعدىرلى شەشىمى, ايرىقشا ساياسي ەركى ەۋرازيا كىندىگىندە قاراساڭ كوز تويمايتىن, قايتالانباس كەلبەتتى, عاجايىپ قالانىڭ سالىنۋىنا نەگىز بولدى. بۇگىندە استانامىز – الەمدەگى ەڭ سۇلۋ ءارى جاس باس قالانىڭ ءبىرى. قوناقجاي قالا كوپتەگەن ەلدەردەن اعىلعان ساياحاتشىلاردى وزىنە تارتۋدا, از ۋاقىت ىشىندە ءىرى حالىقارالىق شارالار مەن ماڭىزدى وقيعالاردىڭ ورتالىعىنا اينالدى. ەكسپو-2017 بۇكىلالەمدىك كورمەسىن وتكىزۋ ورنى رەتىندە استانا قالاسىنىڭ تاڭدالۋى ءبىزدىڭ ەلوردامىزدىڭ الەمدىك قوعامداستىق تاراپىنان مويىندالعانىن ايعاقتايدى. استانانىڭ ساۋلەت ورنەكتەرىندە جانە بەيبىتشىلىكسۇيگىش رۋحىندا شىعىس پەن باتىستىڭ عاسىرلار بويعى داستۇرلەرى ورىلگەن, قازاقستان حالقىنىڭ بارشا مادەني جانە رۋحاني بايلىعى ۇيلەسىم تاپقان. سوندىقتان دا, مەملەكەت باسشىسى جاريالاعان قازاقستان حالقى اسسامبلەياسىنىڭ 2015 جىلى ەلوردادا «استانا – بەيبىتشىلىك پەن كەلىسىم قالاسى» دەگەن اتاۋمەن وتپەك. قادىرلى ازاماتتار! بارشاڭىزدى وسى جارقىن مەرەكەمەن قۇتتىقتاۋىمىزدى قابىل الىڭىزدار! استانامىز گۇلدەنىپ, وركەندەپ وسە بەرسىن. ەلوردامىز حالقىمىزدىڭ تۇتاستىعىنىڭ, ىنتىماعىنىڭ, ىرىسىنىڭ, بەرەكەلى تىرلىگىنىڭ, ەلىمىزدەگى بەيبىتشىلىك مەن كەلىسىمنىڭ, مادەنيەتارالىق ءۇنقاتىسۋ مەن تولەرانتتىلىقتىڭ بەلگىسى بولىپ قالا بەرسىن! مەرەكە قۇتتى بولسىن, قادىرلى قازاقستاندىقتار! قازاقستان حالقى اسسامبلەياسى.