Otyrar.kz-ءتىڭ حابارلاۋىنشا, 17-شاعىن اۋداندا كوپقاباتتى تۇرعىن ۇيدەن ءورت شىققانى تۋرالى حابارلاما تۇنگى ساعات ءبىر شاماسىندا تۇسكەن. ءورت سوندىرۋشىلەر كەلگەن ۋاقىتتا ءۇشىنشى قاباتتا ورنالاسقان پاتەردە جيھازدار مەن زاتتار جانىپ جاتقان.
«پاتەردەن 1962 جىلى تۋعان ەر ادام ءولى تابىلدى. قالىڭ تۇتىنگە بايلانىستى ءورت سوندىرۋشىلەر تۇرعىنداردى ەۆاكۋاتسيالادى», دەلىنگەن شىمكەنت توتەنشە جاعدايلار دەپارتامەنتىنىڭ ءباسپاسوز قىزمەتىنىڭ حابارلاماسىندا.
كورشىلەرىنىڭ ايتۋىنشا, ەر ادام جالعىز تۇرعان, ىشىمدىكتى مولشەردەن تىس قولدانعان. ونىڭ پاتەرىندە بۇعان دەيىن دە ءورت شىققان, ول كەزدە كورشىلەرى دەر كەزىندە بايقاپ, امان الىپ قالعان.
ءورتتىڭ ناقتى سەبەبىن جانە 61 جاستاعى ەر ادامنىڭ ءولىمىن انىقتاۋ ءۇشىن تەكسەرۋ ءجۇرىپ جاتىر.
