قما تاراتقان مالىمەت بويىنشا, اۆتوبازا ديرەكتورى جشس-دا باسشىلىق قىزمەت اتقاراتىن باسقا تۇلعالارمەن جۇيەلى تۇردە تاۋارلىق-ماتەريالدىق قۇندىلىقتاردى ۇرلاپ, 45,5 ملن تەڭگە كولەمىندە ماتەريالدىق زالال كەلتىرگەن دەگەن كۇدىككە ءىلىندى.
«قىلمىستىق سحەما كولىك قۇرالدارىنىڭ قوسالقى بولشەكتەرىن ەسەپتەن شىعارۋ, جاڭاسىن الۋ جانە ولاردى ورناتۋ يميتاتسيالاپ, قۇجاتتارعا قول قويۋدان تۇردى. جاڭا قوسالقى بولشەكتەر بولماعاندىقتان ارنايى تەحنيكا ىستەن شىعىپ, ۇزاق ۋاقىت جۇمىس ىستەمەي تۇرعان. ال جوعارىدا اتالعان تۇلعالار جاڭا قوسالقى بولشەكتەردى ساتىپ وتىرعان», دەدى قما ءباسپاسوز قىزمەتى
كۇدىكتىلەر ۇستالىپ, ۇرلانعان جۇك كولىكتەرىنىڭ قوزعالتقىشتارى مەن بەرىلىس قوراپتارى تاركىلەندى.
«سوت ولاردىڭ كىناسىن تولىق مويىنداۋىنا بايلانىستى كۇدىكتىلەرگە قاتىستى «ۇيقاماق» تۇرىندەگى بۇلتارتپاۋ شاراسىن قولداندى. بۇل فاكتى بويىنشا سوتقا دەيىنگى تەرگەۋ امالدارى ءجۇرىپ جاتىر», دەلىنگەن حابارلامادا.
تەرگەۋ مۇددەسىندەگى باسقا اقپارات جاريا ەتىلمەيدى.
