دەپۋتات اتاۋلى الەۋمەتتىك كومەكتىڭ ورنىنا بىرىڭعاي جاردەماقى تولەۋدى ۇسىندى.
«قازاقستان حالىق پارتياسىنىڭ فراكتسياسى اتاۋلى الەۋمەتتىك كومەكتى الىپ تاستاۋ قاجەت دەپ سانايدى. بۇل جاعدايدا ولارعا تولەنەتىن جاردەماقىنىڭ مولشەرىن ارتتىرۋ قاجەت. ءار بالاعا ناقتى كولەمدە, جۇمساۋعا جەتكىلىكتى مولشەردە بىرىڭعاي جاردەماقى تولەگەن دۇرىس. ەڭ تومەنگى جالاقى مولشەرىندە ءار بالاعا ايىنا 70 مىڭ تەڭگە كولەمىندە مەملەكەتتىك جاردەماقى تاعايىنداۋدى قاراستىرۋدى ۇسىنامىز. مىسالى, 4 بالاعا بەرىلەتىن جاردەماقى - 280 مىڭ تەڭگە, 2 بالاعا - 140 مىڭ تەڭگە. قازىرگى ۋاقىتتا 4 بالا 55 340 تەڭگە جاردەماقى الادى. ءار بالاعا ايىنا ساناعاندا 13 826 تەڭگە بولىنەدى. بۇل الەۋمەتتىك قولداۋدىڭ اقىلعا قونىمسىز مولشەرى. مۇندا ينفلياتسيانىڭ تۇراقتى ءوسۋى, ەكونوميكانىڭ تۇراقسىز جاعدايى, تۇرعىن ءۇيدىڭ جوقتىعى جانە جۇمىسسىزدىق ەسكەرىلمەگەن», دەدى دەپۋتات گاۋھار تاناشەۆا.
