اۋىل شارۋاشىلىعى مينيسترلىگى فەرمەرلەردەن كەلىپ تۇسكەن وتىنىشتەرگە بايلانىستى كەلەسىنى تۇسىندىرەدى: ەرەجەگە سايكەس, gosagro.kz پورتالىندا مينەرالدى تىڭايتقىشتاردى سۋبسيديالاۋعا وتىنىمدەر قابىلداۋ 1 اقپاننان 1 جەلتوقسانعا دەيىن, ال پەستيتسيدتەردى سۋبسيديالاۋ 1 ساۋىردەن 1 جەلتوقسانعا دەيىن جۇزەگە اسىرىلادى.
سونىمەن قاتار, ءوتىنىمدى بەرۋ ءۇشىن جىل سايىن جەرگىلىكتى اتقارۋشى ورگانداردىڭ قاۋلىلارىمەن بەكىتىلەتىن سۋبسيديالاردىڭ تىزبەلەرى مەن نورمالارىن بەكىتۋ قاجەت.
بۇگىنگى تاڭدا تىڭايتقىشتاردى سۋبسيديالاۋ باعدارلاماسى بويىنشا وتىنىمدەر تەك اقمولا, جامبىل, جەتىسۋ, پاۆلودار جانە تۇركىستان وبلىستارىندا قابىلدانادى جانە تولەمدەر جۇزەگە اسىرىلادى. الداعى كۇندەرى اقتوبە, شىعىس قازاقستان, قوستاناي جانە قىزىلوردا وبلىستارىندا وتىنىمدەردى قابىلداۋ باستالادى. قالعان وڭىرلەردە اكىمدىكتەر قاۋلىلاردى ءالى قابىلداعان جوق.
پەستيتسيدتەردى سۋبسيديالاۋ باعدارلاماسىن اشۋعا كەلەتىن بولساق, بۇگىندە قوستاناي وبلىسىنىڭ اكىمدىگى عانا ءتيىستى قاۋلى قابىلداعان, 18 ساۋىردەن باستاپ وسى وڭىردە وتىنىمدەردى قابىلداۋ باستالادى. بۇل رەتتە, مينيسترلىك نورمالاردى وسى جىلدىڭ اقپان ايىندا كەلىسكەن بولاتىن.
وسىلايشا, سۋبسيديالاۋ باعدارلامالارىن ىسكە قوسۋدىڭ جالعىز تەجەۋشى فاكتورى - جەرگىلىكتى اتقارۋشى ورگانداردىڭ بەكىتىلگەن قاۋلىلارىنىڭ بولماۋى بولىپ وتىر.
