دالىرەك ايتقاندا, قازاقستاندا اتوم ەلەكتر ستانتسياسىن سالۋدىڭ ورىندىلىعى تۋرالى سونداي-اق قازاقستاندىقتاردىڭ پىكىرىن ءبىلۋ ءۇشىن رەفەرەندۋم وتكىزىلە مە دەگەن سۇراق قويىلدى.
ساتقاليەۆتىڭ ايتۋىنشا, قوعامدىق پىكىر مىندەتتى تۇردە ەسكەرىلەدى. بۇل رەتتە مينيستر اتوم ەلەكتر ستانتسيالارىن سالۋدىڭ قولدانىستاعى ءتارتىبى جايلى ءسوز قوزعادى.
«رەفەرەندۋم حالىقتىڭ كوپشىلىگى وسى ستانتسيانى قولدايتىنى نەمەسە قولدامايتىنىن ءتۇسىنۋ ءۇشىن قاجەت. مۇنى قامتاماسىز ەتە الاتىن ءتۇرلى مەحانيزمدەر بار. ەگەر حالىق قارسى بولسا, ستانتسيا سالىنبايدى. ءتيىستى ەرەجەلەر, پروتسەدۋرالار بار, سوعان سايكەس باقىلاۋ ورگاندارىن ۇيلەستىرۋگە جانە قۇرۋعا قاتىستى ماسەلەلەر دە بار. مەنىڭ ويىمشا, بۇل باستاپقى نۇكتە بولۋى كەرەك. اەس - وتە كۇردەلى جوبا. ستانتسيانىڭ قۇرىلىسىن قازىردەن باستاساق, كەم دەگەندە 10 جىلعا سوزىلىپ كەتەتىنىن ءتۇسىنۋ كەرەك», دەپ جاۋاپ بەردى مينيستر.
تىلشىلەر الماسادام ساتقاليەۆتىڭ جەكە پىكىرىن دە سۇرادى. وسى تۇستا مينيستر اەس قۇرىلىسىن جاقتايتىنىن ايتتى.
