حاب قىزمەتى ورتالىق ازيا, ازەربايجان, ارمەنيا, گرۋزيا, موڭعوليا جانە پاكىستان ەلدەرىن قامتيدى.
«Microsoft قىزمەتىن لوكاليزاتسيالاۋ قازاقستانعا ايماقتىق اۋقىمدا تەحنولوگيالار مەن وزىق شەشىمدەردى تارتۋ ورتالىعىنا اينالۋعا مۇمكىندىك بەرەدى. وسىلايشا, حاب Microsoft كورپوراتسياسىنىڭ تەحنولوگيالىق دامۋ جانە يننوۆاتسيالار ورتالىعى بولا وتىرىپ, شيكىزاتتىق ەمەس تەحنولوگيالىق سالالاردىڭ ونىمدەرىن ءوندىرۋ مەن ەكسپورتتاۋدى ىنتالاندىرۋ ارقىلى ادامي كاپيتالدى دامىتۋ جانە ۇلتتىق ەكونوميكانى نىعايتۋدىڭ درايۆەرى بولا الادى», دەپ اتاپ ءوتتى تسيفرلىق دامۋ ءمينيسترى باعدات مۋسين.
«قازاقستاندا «Microsoft»-تىڭ ايماقتىق حابىنىڭ قۇرىلۋى ماڭىزعا يە. ەلدەرىڭىزدە ءتيىستى ينفراقۇرىلىم بار. ءبىز قۋانا-قۋانا بىرلەسكەن جوبالاردى ىسكە اسىرىپ, سىزدەرمەن جۇمىس ىستەگىمىز كەلەدى», دەپ اتاپ ءوتتى Microsoft كومپانياسىنىڭ قازاقستان بويىنشا باس ديرەكتورى سەرگەي لەششەنكو.
ەستەرىڭىزگە سالا كەتەيىك, وتكەن جىلدىڭ قىركۇيەك ايىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ بۇۇ باس اسسامبلەياسىنىڭ نيۋ-يورك قالاسىندا وتكەن 77-سەسسياسىنا قاتىسۋ ءۇشىن جاساعان ساپارى اياسىندا «Microsoft» كورپوراتسياسىنىڭ ورتالىق جانە شىعىس ەۋروپا بويىنشا باس ديرەكتورى ميشەل سيممونسپەن كەزدەسۋى ءوتتى. كەزدەسۋ اياسىندا ودان ءارى ىنتىماقتاستىق ورناتۋ, اتاپ ايتقاندا, قازاقستاندىق كەڭسەنى وڭىرلىك حابقا دەيىن كەڭەيتۋ ماسەلەلەرى تالقىلاندى.
