قالا جوباسىن جۇزەگە اسىرۋشى حانزادا مۇحاممەد بەن سالمان باسقاراتىن ساۋد ارابياسىنىڭ ايگىلى NEOM تەحنوپاركى. مۇحاممەد بەن سالمان بولاشاق Line قالاسىنىڭ العاشقى جوسپارىن 2021 جىلدىڭ قاڭتارىندا جاريالاعان. NEOM اتاۋى «جاڭا بولاشاق» دەگەندى بىلدىرەدى.
ساۋد ارابياسىنداعى Line قالاسىنىڭ قۇرىلىسى يننوۆاتسيالىق جەتىستىكتەرگە نەگىزدەلگەن ءارى تابيعاتتى قورعاۋعا باعىتتالعان. Line city شامامەن 9 ميلليون تۇرعىنعا ارنالعان. 170 كم-گە سوزىلاتىن قالا بيىكتىگى 500 م قابىرعامەن قورشالادى. جوبانىڭ قۇنى 1 ترلن دوللاردى قۇرايدى.
قالانىڭ تاعى ءبىر ەكرەكشەلىگى وندا اۆتوكولىك مۇلدە جۇرمەيتىن بولادى. تۇرعىندار بارلىق نىساندارعا جاياۋ جانە 20 مينۋتتىق وتكەلمەن جۇردەك پويىزبەن جەتە الادى. سونداي-اق جاياۋ جۇرگىنشىلەر باراتىن جەرىنە 5 مينۋت ىشىندە جەتە الاتىن مودەل ازىرلەنگەن.
جوبالاۋشىلار NEOM جوباسى كوگنيتيۆتى قالالاردى, پورتتار مەن كاسىپكەرلىك ايماقتاردى, زەرتتەۋ ورتالىقتارىن, سپورت جانە ويىن-ساۋىق ورتالىقتارىن جانە تۋريستىك باعىتتاردى قامتيدى دەيدى.
Line قالاسى ساۋد ارابياسىنىڭ مەملەكەتتىك ينۆەستيتسيالىق قورىنىڭ, سونداي-اق جەرگىلىكتى جانە حالىقارالىق ينۆەستورلاردىڭ قولداۋىمەن 1 تريلليون دوللار كولەمىندە قارجىلاندارىلىپ وتىر.
