ءموبيلدى قوسىمشا «Discover Abai» دەپ اتالادى. قوسىمشا جايلى ساياحاتقا جول اشادى ءارى تۋريستەرگە جاڭا جەرلەردى كورىپ, قازاق ءتىلىن ۇيرەنىپ, جەرگىلىكتى مادەنيەتپەن تانىسۋعا مۇمكىندىك بەرەدى. ايتا كەتۋ كەرەك, وقۋشىلار ءدال وسى قوسىمشانى رەسپۋبليكالىق حاكاتوندا قورعاپ, باس جۇلدە يەلەنگەن.
قازاق, ورىس جانە اعىلشىن تىلىندە قولدانۋ مۇمكىندىگى بار قوسىمشاعا كەز كەلگەن ادام تىركەلە الادى. پىكىر قالدىرۋ, كەرى بايلانىس, باسقا پروفيلدەردى قاراۋ مۇمكىندىكتەرى دە قاراستىرىلعان. تۋريستەرگە ىڭعايلى بولۋ ءۇشىن قوسىمشاعا كارتا ورنالاستىرىلعان: پايدالانۋشى بەلگىلى ءبىر وبەكتىنىڭ ورنالاسقان جەرىن ونىڭ مەكەنجايىن باسۋ ارقىلى بىلە الادى. تۋريستەر ءۇشىن قازاق ءتىلى ساباقتارى, اباي وبلىسىنان شىققان بەلگىلى تۇلعالاردىڭ ءومىرباياندارى, ۇلى ابايدىڭ ولەڭدەرى ۇسىنىلعان.
– جوبانىڭ كليەنتتىك بولىگى «React Native» كىتاپحاناسىن قولدانا وتىرىپ, «JavaScript»-تە جاسالعان. ال ونىڭ ارتىقشىلىعى «JavaScript»-تەگى كود «Android» جانە «iOS» جۇيەلەرىندە جۇمىس ىستەيدى. ياعني ءار امالدىق جۇيە ءۇشىن بولەك كود جازۋدىڭ قاجەتى جوق. سونىمەن قاتار تەحنولوگيانىڭ بۇل جيىنتىعى جوبانى ماسشتابتاۋدى جانە سىناۋدى جەڭىلدەتەدى, – دەيدى تەمىرلان.
الداعى ۋاقىتتا قوسىمشا جەتىلدىرىلىپ, پلاتفورمالاردىڭ بارلىعىنا جۇكتەلمەك.
