بەلگىلى مامان يگور نيكولچەنكو جاتتىقتىراتىن «پاۆلودار» ۆولەيبول كلۋبى پاۆلودارداعى «بايانتاۋ» سپورت سارايىندا وتكەن فينالدىق ويىنداردا بىرنەشە كەزدەسۋ وتكىزىپ, التىن جۇلدە ءۇشىن تالاستا «اتىراۋمەن» كەزدەستى. اقتىق سىندا ازۋلى قارسىلاسپەن ەكى ويىننىڭ قورىتىندىسىندا 10 پارتيا وتكىزىپ, 3:2, 3:2 ەسەبىمەن باسىم ءتۇستى. ءسويتىپ, التىن جۇلدەنى ولجالاپ, جەرلەستەرىنە تاماشا سىي جاسادى.
بۇل – كلۋب تاريحىنداعى العاشقى التىن. جارىستىڭ نەگىزگى بولىگىن ءۇشىنشى ورىنمەن تامامداعان جەرگىلىكتى كوماندا پلەي-وففتا الماتىنىڭ «بۋرەۆەستنيك» كلۋبىن جەڭگەن ەدى. ال «اتىراۋ» بىلتىرعى ۇلتتىق ليگانىڭ جەڭىمپازى بولعاندىقتان, سوڭعى ويىننىڭ سالماعى اۋىر بولعانى تۇسىنىكتى. وسىلايشا, قازاقستاننىڭ ۆولەيبول كارتاسىندا پاۆلودار قالاسى چەمپيون بولعان توعىزىنشى كوماندا رەتىندە تىركەلدى.
ءتۋرنيردىڭ قولا جۇلدەسى ءۇشىن بولعان ويىندا الماتىلىق «بۋرەۆەستنيك» بىلتىرعى جەتىستىگىن تاعى قايتالاپ, جۇلدەگەرلەر ساپىنان كورىندى. «تاراز» وتكەن جىلعىداي جۇلدەسىز قالدى.
كەرەكۋدىڭ ەرلەر كومانداسى ءسويتىپ, ءوز تاريحىندا تۇڭعىش رەت ەڭ جوعارى جەتىستىككە جەتىپ وتىر. كەزىندە پاۆلوداردىڭ ارۋلارىنان قۇرالعان «پۋلس» كلۋبى 1995 جىلى, ال «ەرتىس» كومانداسى 1997 جانە 1998 جىلدارى ەل بىرىنشىلىگىندە توپ جارعان ەدى.
پاۆلودار
