وسى جىلدىڭ 14 ساۋىرىنە دەيىن جالعاساتىن ءىس-شارا «ساپالى ءبىلىم بەرۋ ء«بىلىمدى ۇلت» ۇلتتىق جوباسىن ىسكە اسىرۋ اياسىندا «WorldSkills International» قۇزىرەتتىلىگىن جانە «WorldSkills Kazakhstan» ۇلتتىق قوزعالىسىن قولداۋ مەن جۇمىسشى ماماندىقتارىن ناسيحاتتاۋ ماقساتىندا وتكىزىلىپ وتىر.
جۇمىسشى ماماندىعىنىڭ بەدەلىن ارتتىرۋ جانە شەبەرلىك داعدىلارىن دامىتۋ – ۇيىمداستىرۋشىلار كوزدەپ وتىرعان نەگىزگى باعىت. چەمپيوناتقا 53 قۇزىرەتتىلىك بويىنشا 400-گە جۋىق كوللەدج ستۋدەنتتەرى قاتىسىپ, گرافيكالىق ديزاين, كىرپىش قالاۋ, قۇرعاق قۇرىلىس جانە سىلاق جۇمىستارى, سانتەحنيكا جانە جىلىتۋ, كەسكىندەمە جانە ساندىك جۇمىستار, بيزنەسكە ارنالعان IT-شەشىمدەر, CNC ستانوكتارىندا جۇمىس ىستەي الاتىن توكارلار, CAD ينجەنەرلىك گرافيكاسى, پروتوتيپتەۋ, سونىمەن قاتار توڭازىتقىش جانە جەلدەتۋ تەحنيكاسىنا قىزمەت كورسەتۋ, جەڭىل اۆتوموبيلدەردى جوندەۋ جانە قىزمەت كورسەتۋگە مامانداناتىن باعىتتار قامتىلاتىن بولادى.
چەمپيوناتتىڭ تاعى ءبىر ەرەكشەلىگى – «DeafSkills» جانە «ابيليمپيكس» بويىنشا ەرەكشە ءبىلىم بەرۋ قاجەتتىلىگى بار بالالاردى قولداۋ. چەمپيونات اياسىندا 6 قۇزىرەتتىلىك بويىنشا 20-دان استام ستۋدەنت قاتىسادى. 500-گە جۋىق تاجىريبەلى وندىرىستىك وقىتۋ شەبەرلەرى, ارنايى ءپان وقىتۋشىلارى مەن جۇمىس بەرۋشىلەر ساراپشى رەتىندە تارتىلعان وڭىرلىك چەمپيوناتتىڭ جەڭىمپازدارى وسى جىلدىڭ ماۋسىم ايىندا وتەتىن «WorldSkills Kazakhstan-2023» رەسپۋبليكالىق كاسىبي شەبەرلىك چەمپيوناتىنا جولداما الاتىن بولادى. ال حالىقارالىق چەمپيونات وسى جىلدىڭ قىركۇيەگىندە پولشادا وتەدى.
الماتى
