جيىن بارىسىندا باسقارما تاراپىنان تاسىمالداۋشى كومپانيالارعا اتالعان وقيعا بويىنشا جۇرگىزۋشىلەردىڭ نازارىنا جەتكىزۋ مەن جول ءجۇرىسى, جولاۋشىلار تاسىمالداۋ قاعيدالارىنىڭ تالاپتارى مەن جۇرگىزۋشىنىڭ مىندەتتەرى تۋرالى قوسىمشا جانە تۇراقتى تۇردە نۇسقاۋلىقتاردى وتكىزۋ تاپسىرىلدى.
جۇرگىزۋشىلەر قۇرامى اراسىندا كەزەكتەن تىس اتتەستاتسيالاۋ شارالارىن وتكىزۋ, تۇراقتى تۇردە باعىتتارداعى جەلىلىك باقىلاۋدى كۇشەيتۋ مىندەتتەلدى.
سونداي-اق قازا تاپقان وتباسىلاردىڭ جاقىندارىنا اۆتوپارك باسشىسى تاراپىنان بارلىق ەمدەۋ مەن جانازا شىعىندارىن وتەۋگە كومەك بەرىلەتىنىن اتاپ ءوتتى.
اتالعان جول-كولىك اپاتى تۋرالى ايتقان جاۋاپتىلار جۇرگىزۋشىنىڭ قوعامدىق كولىكتى قول تەجەگىشىنە قويۋدى ۇمىتىپ, اجەتحاناعا كەتكەنىن جەتكىزدى. كەشە پوليتسيا اۆتوبۋستىڭ تەجەگىشكە قويىلعانىن حابارلاعان ەدى.
ايتا كەتەيىك, قازىرگى تاڭدا شىمكەنت قالاسىندا 77 تۇراقتى قالالىق مارشرۋت قىزمەت كورسەتەدى, كۇندەلىكتى مارشرۋتتارعا 877 اۆتوبۋس شىعادى.
جەكە مەنشىك نىسانىنداعى 10 كومپانيا جولاۋشىلاردى تاسىمالداۋ قىزمەتىن كورسەتىپ ءجۇر.
الداعى ۋاقىتتا كۇشەيتىلگەن رەيد جۇرگىزىلىپ, كومپانيا باسشىلارىنا ءتيىستى تاپسىرمالار بەردى.
ەسكە سالايىق, كۇنى كەشە قالاداعى نازاربەكوۆ جانە بايتەرەكوۆ كوشەلەرىنىڭ قيىلىسىندا جانتۇرشىگەرلىك جول اپاتى بولدى.
جۇرگىزۋشىسى جوق اۆتوبۋس جولدىڭ قاراما قارسى باعىتىنا شىعىپ, 6 ادامدى قاعىپ كەتكەن بولاتىن.
سالدارىنان 2 ايەل مەن ءجاسوسىپىرىم وقيعا ورنىندا ءتىل تارتپاي كەتسە, ال ءتورتىنشى ادام جانساقتاۋ بولىمىندە كوز جۇمدى.
بەسىنشى ادام اۋرۋحانا توسەگىندە جان تاپسىردى.
جول كولىك وقيعاسىنان ءبىر بويجەتكەن ءتىرى قالدى. ولار جاياۋ جۇرگىنشىلەر جولاعى ارقىلى جولدىڭ قارسى بەتىنە وتپەك بولعان ەدى.
جول اپاتىنىڭ كادرلارى بىرنەشە بەينەباقىلاۋ كامەراسىنا ءتۇسىپ قالعان. قازىرگى تاڭدا قۇقىق قورعاۋ ورگاندارى تاراپىنان تەرگەۋ جۇرگىزىلىپ جاتىر.
