اۋىزاشارعا مەملەكەت جانە قوعام قايراتكەرلەرى, عالىمدار, دارىگەرلەر مەن مۇعالىمدەر, ەتنومادەني بىرلەستىكتەردىڭ وكىلدەرى, ديپلوماتيالىق وكىلدىكتەردىڭ باسشىلارى, مادەنيەت قايراتكەرلەرى, قۇتقارۋشىلار مەن ەڭبەك ادامدارى شاقىرىلدى.
«بارشاڭىزدى قاسيەتتى رامازان ايىمەن قۇتتىقتايمىن. ورازا قابىل بولسىن! رامازان ايى – كۇللى مۇسىلمان قاۋىمى ءۇشىن ەرەكشە ۋاقىت. جاماعات وسى ايدا ىزگى امالدار جاساپ, مول ساۋاپقا كەنەلەدى. ءبىز بىلتىر اقوردادا العاش رەت ارنايى داستارقان جايىپ, اۋىزاشار بەردىك. بۇل باستاما ءوز جالعاسىن تابۋدا. بۇگىن مەنىڭ اتىمنان ءاربىر وبلىستا جۇرتشىلىققا اۋىزاشار بەرىلىپ جاتىر», دەدى پرەزيدەنت اۋىزاشار بارىسىندا.
مەملەكەت باسشىسى سونداي-اق ەلىمىزدە جۇرگىزىلىپ جاتقان ساياسي رەفورمالارعا جانە ولاردىڭ قوعامداعى ماڭىزىنا توقتالا كەتتى.
«قازاقستان – ءوز گەوساياسي ايماعىندا اۋقىمدى رەفورمالار جاساپ جاتقان بىردەن-ءبىر ەل. جاڭارتىلعان كونستيتۋتسيا جانە ەلىمىزدە بولىپ جاتقان وزگەرىستەر – وسىنىڭ ايقىن دالەلى.ء بىز وسى رەفورمالاردى, جالپى ايتقاندا, وسى ساياساتتى مىندەتتى تۇردە جالعاستىرامىز. الدىمىزدا تۇرعان نەگىزگى ماقسات – ەگەمەندىگىمىزدى نىعايتۋ جانە ۇلتتىق مۇددەمىزدى قامتاماسىز ەتۋ», دەدى قاسىم-جومارت توقاەۆ ءوز سوزىندە.
پرەزيدەنتتىڭ ايتۋىنشا, قازاقستان حالىقارالىق ىنتىماقتاستىقتى بەلسەندى تۇردە جالعاستىرا بەرەدى, ال ەلدىڭ سىرتقى ساياساتى ءاردايىم دەربەس بولادى.
ء«بىز مۇنىڭ بارىنە مىزعىماس بىرلىكتىڭ ارقاسىندا قول جەتكىزىپ وتىرمىز. قانداي قيىن بولسا دا, بۇل جولدان تايماۋىمىز كەرەك. العا قاراي قادام باسساق قانا, جولىمىز اشىق بولادى. وسىلايشا, قازاقستان, شىن مانىندە, وركەنيەتتى, جاسامپاز جانە وزىق ەل بولماق», دەپ تۇيىندەدى قاسىم-جومارت كەمەل ۇلى.
