ەلورداداعى ءورت ماسەلەسى استانا قالالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا كوتەرىلدى. سپيكەردىڭ ايتۋىنشا, وتكەن جىلى قۇرعاق ءشوپ پەن قامىستىڭ ورتەنۋى بويىنشا 313 وقيعا تىركەلگەن.
ء«بىر اپتانىڭ ىشىندە 1 500 شارشى مەتردەن اساتىن اۋماقتا قۇرعاق ءشوپ پەن قامىستىڭ ورتەنۋى بويىنشا 6 وقيعا تىركەلدى. وتكەن جىلى 313 جاعداي تىركەلگەن ەدى. ورمان جانە دالا ورتتەرىنىڭ الدىن الۋ ماقساتىندا بيىل ەلوردا اۋماعىندا تابيعي ورتكە قارسى ءىس-شارالار جوسپارى ازىرلەندى. قالا شەكاراسىنىڭ پەريمەترىندە 6 باعىت بويىنشا جىلجىمالى كۇزەت بەكەتتەرى اشىلدى», دەدى ەركىن وتارىمعالي ۇلى.
وسى ورايدا ءورت باقىلاۋ باسقارماسىنىڭ باستىعى قاۋىپسىزدىك ەرەجەلەرىن نازاردان تىس قالدىرماۋدىڭ ماڭىزدىلىعىنا توقتالا كەتتى:
- كەز كەلگەن اشىق وت كوزىمەن جۇمىس ىستەگەندە ساق بولىڭىز;
- جەكە ورنالاسقان تۇرعىن ءۇي ماڭىنداعى اۋماقتاردى ۋاقىتىلى تازالاپ تۇرۋ كەرەك;
- تابيعات اياسىنا شىققاندا سىرىڭكەنى ابايلاپ قولدانىپ, تەمەكى قالدىعىن تاستاماۋ كەرەك;
- بالالاردىڭ سىرىڭكە جانە وتپەن ويناۋىنا جول بەرمەڭىزدەر;
- اڭ اۋلاۋ كەزىندە جاناتىن ماتەريالداردى قولدانباۋ قاجەت;
- عيماراتتاردىڭ جانىندا وت جانە قوقىس جاعۋعا بولمايدى;
- تابيعات اياسىنا دەمالىسقا شىققاندا جاققان جالىندى تولىق ءسوندىرىپ كەتۋ كەرەك. سەبەبى شالا سونگەن وت ورتكە اكەلۋى مۇمكىن;
- شىنى ىدىستى جانە سىنعان اينەكتى قالدىرماڭىزدار. ءورت باستالعان جاعدايدا بولسا سۋمەن, اعاشتىڭ بۇتاعىمەن نەمەسە قۇم سەبۋ ارقىلى سوندىرۋگە تىرىسۋ قاجەت.
