كەزدەسۋ بارىسىندا قازاقستاندىق ديپلومات سۇحباتتاسىن قازاقستاندا سوڭعى ساياسي جانە الەۋمەتتىك-ەكونوميكالىق وزگەرىستەرمەن, اتاپ ايتقاندا, جاڭا قازاقستاندى قۇرۋعا باعىتتالعان پرەزيدەنت قاسىم-جومارت توقاەۆتىڭ باستامالارى مەن رەفورمالارىن ىسكە اسىرۋ اياسىنداعى نەگىزگى مەملەكەتتىك ينستيتۋتتاردى قايتا جاڭارتۋدىڭ سوڭعى كەزەڭىنە اينالعان قر پارلامەنتى ءماجىلىسى دەپۋتاتتارىن سايلاۋدىڭ قورىتىندىلارىمەن جانە جاڭا ۇكىمەتتىڭ قۇرامىمەن تانىستىرىپ ءوتتى.
سونىمەن قاتار تاراپتار قازاقستان مەن ساۋد ارابياسى اراسىندا تىكەلەي تۇراقتى اۋەقاتىناسىن ىسكە قوسۋ ماسەلەلەرىن تالقىلادى.
ب. ارىن قر ۇكىمەتىنىڭ ەكى ەل ازاماتتارىنىڭ ىسكەرلىك جانە تۋريستىك ساپارلارىن جەڭىلدەتۋ جونىندەگى شارالارى, ونىڭ ىشىندە كورولدىك ازاماتتارى ءۇشىن ۆيزاسىز رەجيمدى ەنگىزۋ جانە قازاقستان اۋەجايلارىندا «اۋە ەركىندىگىنىڭ» بەسىنشى دارەجەسىن پايدالانۋ مۇمكىندىگى تۋرالى حاباردار ەتتى.
ءوز كەزەگىندە ب.ء ال-موحاننا كومپانيانىڭ قازاقستاندىق تاراپپەن ىسكەرلىك جانە تۋريستىك بايلانىستاردى نىعايتۋعا قىزىعۋشىلىعىن قۋاتتاپ, بۇل ماقساتتا بيىل قازاقستان مەن ساۋد ارابياسى قالالارى اراسىندا تىكەلەي تۇراقتى اۋە رەيستەردىڭ ىسكە قوسىلاتىنىن مالىمدەدى. بۇل رەيستەردى «Airbus A330» جاڭا ۇشاقتارى جۇزەگە اسىراتىن بولادى.
