تاراز قالاسىنىڭ №2 سوتىندا «ادامدار توبىمەن الدىن الا ءسوز بايلاسۋ ارقىلى اسا ءىرى مولشەردە بوتەننىڭ مۇلكىن جىمقىرۋ, الداۋ نەمەسە سەنىمدى تەرىس پايدالانۋ جولىمەن بوتەن مۇلiككە قۇقىقتى يەمدەنۋ» بويىنشا 4 تۇلعاعا قاتىستى قىلمىستىق ءىس قارالدى.
جامبىل وبلىسى اكىمدىگىنىڭ اۋىل شارۋاشىلىعى باسقارماسى باسشىسى ەرلان كۇلەكەەۆ جانە كاسىپكەرلەر ەلجان ەلىباي, مارات دايراباەۆ پەن ديدار مولداقالىق (دەپۋتات جيگۋلي دايراباەۆتىڭ ۇلدارى) سۋبسيديالاۋ قاعيدالارىن بۇزىپ, مەملەكەتكە 550 849 430 تەڭگە كولەمىندە شىعىن كەلتىرگەن. ولار سۋبسيادالاردان العان اقشانىڭ جارتىسىن ءوز قاجەتتىلىكتەرىنە جۇمساعان.
الايدا سوتتا ولار ءوز كىناسىن مويىنداماعان.
سوت ۇكىمى بويىنشا باسقارما باسشىسىنىڭ ورىنباسارى بولعان ەرلان كۇلەكەەۆ 6 جىلعا باس بوستاندىعى مەن ومىر بويىنا مەملەكەتتىك قىزمەتتە لاۋازىم اتقارۋ قۇقىعىنان ايىرىلدى.
ال مارات دايراباەۆ جانە ديدار مولداقالىقتىڭ مۇلكى تاركىلەنىپ, كەز كەلگەن مەنشىك نىسانىنداعى ۇيىمداردا باسشىلىق لاۋازىمدى اتقارۋ قۇقىعىنان جانە 5 جىلعا شارتتى تۇردە باس بوستاندىعىنان ايىرىلدى. ولارعا پروباتسيالىق باقىلاۋ قويىلادى.
