ەندىگى جەردە ەقدب قازاقستانداعى «جاسىل» ينۆەستيتسيالاردى قولداۋ ماقساتىندا قارجىلاندىرۋدىڭ جاڭا كوزدەرىن ۇسىنىپ وتىر. GEFF Kazakhstan II «جاسىل» ەكونوميكانى قارجىلاندىرۋ جوباسى اياسىندا بولىنگەن 150 ملن اقش دوللارى كاسىپورىندار مەن ءۇي شارۋاشىلىقتارىنا كومەك رەتىندە باعىتتالماق. «جاسىل» قارجىلاندىرۋدىڭ اتاپ وتۋگە ءتيىستى تۇسى ول گەندەرلىك اسپەكتىلەردى دە ەسكەرۋى ءتيىس.
ال تەحنيكالىق قولداۋدى كليماتتىق ينۆەستيتسيالىق قورلارى (Climate Investment Funds) كورسەتەدى.
وسى ارقىلى 2023 جىلدىڭ باسىندا پاريج كەلىسىمىنە تولىق قوسىلعان ەۋروپا قايتا قۇرۋ جانە دامۋ بانكى (ەقدب) قازاقستانعا ەلەكتر ەنەرگياسىن تۇتىنۋدى ازايتۋعا, جاڭعىرمالى ەنەرگيا كوزدەرىن پايدالانۋدى ىلگەرىلەتۋگە جانە جەرگىلىكتى كاسىپكەرلەرگە ەكولوگيالىق قاۋىپسىز تاجىريبەلەردى ەنگىزۋدە قولداۋ كورسەتۋگە كومەكتەسەدى.
ەقدب ىسكە قوسىپ جاتقان جاڭا قارجىلاندىرۋ باعدارلاماسىنىڭ ارقاسىندا رەسپۋبليكا بويىنشا جۇزدەگەن كاسىپورىن مەن مىڭداعان ءۇي شارۋاشىلىعى ءوندىرىسىن جاڭعىرتۋعا, ەنەرگيا تيىمدىلىگىن ارتتىرىپ, ەكولوگيالىق تۇراقتىلىقتى جاقسارتۋعا مۇمكىندىك الادى.
بانك بۇكىل ەل بويىنشا جەكە تۇلعالارعا, جەكە كومپانيالار مەن شوب-قا كرەديت بەرۋ ءۇشىن Kazakhstan Green Economy Financing Facility II (GEFF Kazakhstan II) جوباسىنا قاتىساتىن قارجى ينستيتۋتتارىنا 150 ملن اقش دوللارىنا دەيىنگى مولشەردە (تەڭگەلىك بالامادا) قارجىلاندىرۋدى ۇسىنادى.
جوبا سونىمەن قاتار جوعارى ساپالى «جاسىل» تاۋارلار مەن جابدىقتاردى جەتكىزۋشىلەر مەن وندىرۋشىلەرگە, ونىڭ ىشىندە Green Technology Selector ونلاين-كاتالوگىندە ورنالاستىرىلعان جانە GEFF Kazakhstan II جوباسىنىڭ ۆەب-سايتىندا قولجەتىمدى تاۋارلاردى قارجىلاندىرۋدى ۇسىنادى.
سونىمەن قاتار كليماتتىق ينۆەستيتسيالىق قورلاردىڭ (Climate Investment Funds, CIF) قولداۋىمەن GEFF Kazakhstan II جوباسى جەرگىلىكتى «جاسىل» تەحنولوگيالار مەن جابدىقتار نارىعىن دامىتۋعا جاردەمدەسپەك. بۇل ءوز كەزەگىندە «جاسىل» ەكونوميكانىڭ وسۋىنە ىقپال ەتىپ, «جاسىل» تەحنولوگيالاردى نەعۇرلىم قولجەتىمدى ەتە تۇسۋگە ءتيىس. وعان قوسا جاڭا جۇمىس ورىندارىن اشۋعا سەپتەسەدى. جوبا سونداي-اق كليماتتىڭ وزگەرۋ تاۋەكەلدەرىن ازايتۋ جانە ولارعا بەيىمدەلۋ جونىندەگى جوبالارعا ينۆەستيتسيالاردى ىنتالاندىراتىن, تۇيىق تسيكلدى ەكونوميكانى ىلگەرىلەتەتىن جانە قازاقستان ەكونوميكاسىنىڭ دەكاربونيزاتسياسى مەن باسەكەگە قابىلەتتىلىگىن ارتتىرۋعا ىقپال ەتەتىن بولادى.
جوعارىدا اتاپ وتكەندەي, جاڭا جوبا ەقدب-نىڭ گەندەرلىك SMART ءتاسىلىن قامتيدى, ول مۇمكىندىكتەر تەڭدىگى مەن قازاقستان ەكونوميكاسىنداعى ايەلدەردىڭ ءرولىن ارتتىرۋعا جول اشادى. جوباعا قاتىساتىن قارجى ينستيتۋتتارى گەندەرلىك تەڭدىككە نەگىزدەلگەن جانە گەندەرلىك اسپەكتىلەردى ەسكەرە وتىرىپ, قارجىلىق قىزمەتتەردى ۇسىناتىن جاڭا ينۆەستيتسيالىق مادەنيەتتى پايدالانادى.
GEFF Kazakhstan II جوباسى 2020 جىلدان باستاپ اۋستريا ۇكىمەتى مەن جاھاندىق ەكولوگيالىق قوردىڭ قولداۋىمەن ىسكە اسىرىلىپ كەلە جاتقان GEFF Kazakhstan قاناتقاقتى جوباسىنا نەگىزدەلگەن. جوبا ىسكە اسىرىلا باستالعالى بەرى وعان ءبىر جارىم مىڭنان استام قاتىسۋشى تارتىلىپ, ەلدەگى ەنەرگەتيكا جانە ەنەرگيا تيىمدىلىگى جونىندەگى جوبالارعا باعىتتالعان قارجىلاندىرۋ كولەمى 30 ملن اقش دوللارىن قۇراعان.
جوبا سونىمەن قاتار كومىرقىشقىل گازىنىڭ جىلدىق شىعارىندىلارىن 200 مىڭ توننادان استامعا ازايتۋعا جانە باستاپقى ەنەرگيانى ۇنەمدەۋگە ساعاتىنا 573 مىڭ مەگۆاتتقا جەتۋگە كومەكتەسىپ وتىر. قارجىلاندىرۋ تسەنتركرەديت بانكى, Shinhan Bank جانە KMF ميكروكرەديت ۇيىمى ارقىلى جۇزەگە اسىرىلدى. قارجىلاندىرىلعان جوبالاردىڭ كوپ بولىگى (60%) ايەلدەر باسقاراتىن بيزنەسكە قاتىستى جانە اۋىلدىق جەرلەردە ورنالاسقان.
الماتى
