جيىنعا نايب مۇفتيلەر, باس ءمۇفتي كەڭەسشىلەرى, ءدىني باسقارمانىڭ ءبولىم مەڭگەرۋشىلەرى مەن ماماندارى سونداي-اق ونلاين رەجيمدە وبلىس, رەسپۋبليكالىق ماڭىزى بار قالالاردىڭ باس يمامدارى قاتىستى.
«كوزدى اشىپ-جۇمعانشا رامازان ايىنىڭ العاشقى ون كۇنى ءوتتى. اللا تاعالانىڭ مەيىرىمىنەن ءۇمىت ەتىپ, حاققا دا, حالىققا دا قىزمەت ەتىپ جاتقان يمامدارىمىزعا, بارشا ءدىن قىزمەتكەرىنە العىسىمدى بىلدىرەمىن. جاببار يەمىز ىسىمىزگە جەڭىلدىك پەن بەرەكە بەرىپ, رامازان ايىنان رۋحاني ازىقتانىپ شىعۋدى بارشامىزعا ءناسىپ ەتسىن. ساۋاپتار ەسەلەنىپ جازىلاتىن ورازا ۋاقىتىندا جوسپارلاعان يگى ىستەرىمىزدى ويداعىداي اتقارىپ شىعۋعا تىلەكتەسپىن», دەدى قمدب توراعاسى.
جيىن بارىسىندا ءبولىم مەڭگەرۋشىلەرى بايانداما جاساپ, العاشقى ون كۇندە اتقارىلعان جۇمىستار جايلى ءسوز قوزعادى. ماسەلەن, ەلىمىزدىڭ 697 مەشىتىندە كۇندەلىكتى 101 170 ادامعا اۋىزاشار بەرىلسە, 640 مەشىتتەگى تاراۋىق نامازىندا قۇران حاتىم وقىلۋدا.
كۇندەلىكتى تاراۋىق نامازىنان بۇرىن «قۇران اياتتارىنىڭ حيكمەتى» تاقىرىبىندا جاماعاتقا ۋاعىز ايتىلىپ جاتىر. سونداي-اق 934 مەشىتتە «ناماز وقىپ ۇيرەنەيىك» جانە «1 ايدا قۇرانعا ءتۇس» دارىستەرى رامازان ايى بويى جۇرگىزىلمەك.
ايتا كەتسەك, «ەل ۇلەسى – پاتەرگە» جوباسى اياسىندا 2 ءدىن قىزمەتكەرىنە جانە 8 كوپبالالى وتباسىعا, بارلىعى 10 باسپانانىڭ كىلتى تابىستالدى.
سونداي-اق «رامازان ءتاتتىسى» جوباسى بارىسىندا 4 089 بالاعا تاتتىلەر مەن ويىنشىقتار تاراتىلدى.
