رامازان ايىندا سارەسىنە ۇيىقتاپ قالعان ادام ويانىپ, از بولسا دا, بىرەر نارسە جەپ-ءىشىپ, ورازانى نيەت ەتەمىن دەسە, نيەتى دە, سول كۇنى ۇستايتىن ورازاسى دا دۇرىس بولمايدى. رامازان ايىندا سارەسىنە ۇيىقتاپ قالعان ادام ويانعاندا ورازانى بۇزاتىن, ياعني جەپ-ءىشۋدى توقتاتىپ, وسى كۇننىڭ ورازاسىن تۇتۋدى نيەت ەتەدى. تال تۇسكە دەيىن نيەت ەتۋگە بولادى.
ءسالاما ەسىمدى ساحابادان (اللا وعان رازى بولسىن) ريۋايات ەتىلگەن حاديستە پايعامبارىمىز (وعان اللانىڭ سالاۋاتى مەن سالەمى بولسىن) ءاسلام تايپاسىنان ءبىر كىسىگە بىلاي بۇيىردى: «ادامدارعا جاريالا, كىم دە كىم بۇگىن تاماق ىشكەن بولسا, كۇننىڭ قالعان بولىگىندە جەمەسىن. كىم دە كىم ەشنارسە جەمەگەن بولسا, ورازا تۇتسىن. ويتكەنى بۇگىن – اشۋرا كۇنى» (بۇحاري, ءمۇسليم). بۇل حاديستە رامازان ورازاسى اشۋرا كۇنىنە قياس ەتىلگەن (سالىستىرىپ قارالعان). سەبەبى يسلامنىڭ العاشقى ۋاقىتىندا اشۋرا ورازاسى پارىز بولعان ەدى (يعلاۋس-ءسۇنان).
يمام تاحاۋي: «بۇل حاديستە بەلگىلى ءبىر كۇندە ورازا تۇتۋى قاجەت ادام تۇندە نيەت ەتپەگەن بولسا, ونىڭ كۇندىز نيەت ەتۋى دۇرىس ەكەنىنە دالەل بار», دەگەن. سونداي-اق تاڭ اتقاننان كەيىن ورازانى بۇزاتىن ىستەر جاسالماسا, ونىڭ زاۋالعا (كۇن اۋعانعا) دەيىن نيەت ەتۋى دۇرىس بولىپ ەسەپتەلەدى. ەگەر تاڭ اتقاننان كەيىن ادەيى نەمەسە ۇمىتىپ تاماق, سۋ ىشسە بۇدان كەيىن ونىڭ سول كۇنگى ورازاعا نيەت ەتۋى دۇرىس بولمايدى ء(فاتاۋا ھينديا, شارح تاحاۋي).
دەمەك رامازان ايىندا سارەسىنە ۇيىقتاپ قالعان ادام ويانعان كەزدە ەشنارسە جەمەي, ىشپەي ورازا ۇستاۋدى نيەت ەتىپ, ءارى قاراي ورازاسىن ۇستاۋى مىندەت بولادى.
