ءۇش شاحماتشىنىڭ دا ۇپاي سانى بىردەي – 5,5. بۇگىن وتەتىن سوڭعى 11-ءشى تۋردا گران-ءپريدىڭ ءۇشىنشى كەزەڭىنىڭ جەڭىمپازى انىقتالادى. تۋرنير كەستەسىنە سايكەس وندا وسى جارىستىڭ بارلىق 10 قاتىسۋشىسى ونەر كورسەتەدى.
قازاقستاندىق ەكى دۇركىن الەم چەمپيونى ءبيبىسارا اسساۋباەۆا اتاقتى رەسەيلىك كاتەرينا لاحنوعا قارسى اق فيگۋرالارمەن وينايدى. كاتەرينا لاحنو ەۋروپانىڭ ەكى دۇركىن چەمپيونى, ۆيتسە-چەمپيونى, بليتستەن ءۇش دۇركىن الەم چەمپيوناتىنىڭ جەڭىمپازى جانە جىلدام شاحماتتان الەم چەمپيونى. ونىڭ كوماندالىق تۋرنيرلەردەن دە العان التىن مەدالدارى بار.
سونداي-اق رەسەيلىك الەكساندرا گورياچكينا اق فيگۋرالارمەن فينالدىق اينالىمدا وينايدى, وعان تۋرنير قوجايىنى حونەرۋ كامپي قارسىلاسادى. قىتايلىق جۋ تسزينەر قارا فيگۋراعا يە بولدى, ول گرۋزين نينو باتسياشۆيليمەن جەكپە-جەكتە ماكسيمالدى ۇپاي جيناۋعا تىرىسادى.
ايتا كەتەيىك, بۇعان دەيىن استانا مەن ميۋنحەندە وتكەن ەكى كەزەڭنەن كەيىن كاتەرينا لاحنو مەن چجۋ تسزينەر ۇزدىك ۇشتىككە ەندى. ارينە, ولار نيكوسياداعى (كيپر) ءتورتىنشى راۋندتىڭ الدىندا جالپى كوشباسشىلىعىن قامتاماسىز ەتۋ ءۇشىن نيۋ-دەليدە قۇندى ۇپاي جيناعىسى كەلەدى.
