تۇتاستاي العاندا, S&P دەرەكتەرى بويىنشا, ەكونوميكالىق تسيكلدەردە اكتيۆتەردىڭ ساپاسىن نەعۇرلىم سارالاپ باسقارۋ كەزىندە بانك جۇيەسىنىڭ تۇراقتىلىعى كورسەتكىشتەرىنىڭ جاقسارعانى بايقالدى. كرەديتتەر بويىنشا ىقتيمال شىعىندارعا ارنالعان رەزەرۆتەردى قالىپتاستىرۋ بويىنشا شىعىستار جانە قازاقستان بانك سەكتورىنىڭ پروبلەمالىق كرەديتتەرىنىڭ ۇلەسى 2015-2020 جىلدارى بايقالعان دەڭگەيدەن ەداۋىر تومەن بولىپ قالۋدا جانە اكتيۆتەر ساپاسىنىڭ كورسەتكىشتەرى تۇراقتى بولىپ قالادى دەپ كۇتىلۋدە.
قازاقستاننىڭ بانك سەكتورىنىڭ ەلدىك جانە سالالىق تاۋەكەلدەرىنىڭ باعاسى (Banking Industry Country Risk Assessment, BICRA) دا «9»-دان «8»-گە جاقسارتىلدى جانە ءوز قىزمەتىن نەگىزىنەن قازاقستاندا جۇزەگە اسىراتىن بانكتەر رەيتينگىنىڭ بازالىق دەڭگەيى «b+»-تەن «bb-»-كە دەيىن كوتەرىلدى.
ناتيجەسىندە مىنا ۇيىمداردىڭ ۇزاق مەرزىمدى جانە قىسقا مەرزىمدى كرەديتتىك رەيتينگتەرى راستالدى:
«قازاقستان حالىق بانكى» اق «Bۆ+/B» دەڭگەيىندە. بولجام – «تۇراقتى»;
«Kaspi Bank» اق «ۆۆ/ۆ» دەڭگەيىندە. بولجام – «تۇراقتى»;
« تسەنتركرەديت بانكى» اق «ۆ+/ۆ» دەڭگەيىندە. بولجام – «تۇراقتى»;
«ForteBank» اق «ۆۆ-/ۆ» دەڭگەيىندە. بولجام – «تۇراقتى»;
«نۇربانك» اق «ۆ-/ۆ» دەڭگەيىندە. بولجام – «تۇراقتى»;
«بانك فريدوم فينانس قازاقستان» اق «ۆ/ۆ» دەڭگەيىندە. بولجام – «تۇراقتى»;
«ونلاينكازفينانس» ميكروقارجى ۇيىمى» جشس (وكف) «ۆ-/ۆ» دەڭگەيىندە. بولجام – «تۇراقتى».
رەيتينگتىك اگەنتتىكتىڭ باعالاۋى بويىنشا, قازاقستاننىڭ ناقتى ءىجو-ءسى كەيىننەن ەكونوميكانىڭ الداعى ءۇش جىل ىشىندە جىلىنا 4%-دان از وسۋىمەن 2023 جىلى شامامەن 4%-عا وسەدى دەپ كۇتىلۋدە.
حاباردا قازاقستاننىڭ بانك سەكتورى كرەديتتىك شىعىندار وسكەننەن كەيىن تۇزەتۋدىڭ ۇزاققا سوزىلعان كەزەڭىنەن كەيىن قالپىنا كەلۋ بەلگىلەرىن كورسەتىپ وتىرعانى اتاپ ءوتىلدى. قالپىنا كەلتىرۋگە كرەديتكە سۇرانىستى ىنتالاندىراتىن شيكىزات تاۋارلارىنا قولايلى باعا, سونداي-اق اكتيۆتەر ساپاسىنىڭ ايتارلىقتاي جاقسارۋى ىقپال ەتەدى. ەل بانكتەرىنىڭ كورسەتكىشتەرىنە جوعارى مارجا مەن پايدا تابۋ قابىلەتى وڭ اسەر ەتەدى, بۇل سىرتقى وپەراتسيالىق ورتانىڭ بەلگىسىز جانە قۇبىلمالى بولىپ قالعانىنا قاراماستان, ولاردى تاۋەكەلدەردەن قورعاۋدى قامتاماسىز ەتەدى.
2022 جىلى قازاقستاننىڭ بانك سەكتورىنىڭ تازا پايداسى 1,5 ترلن تەڭگەنى (3,2 ملرد اقش دوللارى) قۇرادى, بۇل 2021 جىلمەن سالىستىرعاندا 14%-عا جوعارى. وسى جىلى پايدا كورسەتكىشتەرى بىردەي دەڭگەيدە ساقتالادى دەپ كۇتىلۋدە, بۇل رەتتە ورتاشا كاپيتالدىڭ رەنتابەلدىلىگى (return on average equity, ROAE) 25-30%-دى قۇرايدى, ال تازا پايىزدىق مارجا 5%-دان جوعارى بولادى.
بۇل رەتتە حالىقارالىق باعالاۋلار بويىنشا كرەديتتەۋدىڭ ءوسۋ قارقىنى قالپىنا كەلۋدى جالعاستىرادى جانە نومينالدى كورسەتۋدە جىلىنا, شامامەن 15-17%-دى قۇرايدى. ال ءبىزدىڭ ەلدەگى بانك سەكتورىنىڭ پروبلەمالىق كرەديتتەرىنىڭ ۇلەسى تۇتاستاي العاندا 9%-عا جۋىق دەڭگەيدە تۇراقتى بولىپ قالادى.
