ارىق سويلەپ, سەمىز شىققان ابزال

بۇگىن استانادا قازاقستان كاسىپوداقتارى فەدەراتسياسىنىڭ كەزەكتى ءححىى سەزى باستالادى. وسىعان وراي پرەمەر-مينيستر كارىم ءماسىموۆ سەزد دەلەگاتتارىمەن كەزدەستى. كەزدەسۋ بارىسىندا ۇكىمەت باسشىسى كاسىپوداق وكىلدەرىنىڭ كوكەيىندە جۇرگەن تولعاقتى سۇراقتارعا جاۋاپ بەردى. سونىڭ ءبىرى دەنساۋلىققا زيان ماماندىقتارعا, ياعني №2 تىزىمدەگى قىزمەتكەرلەرگە بەرىلەتىن جەڭىلدىكتەر تۋرالى بولدى. كارىم ءماسىموۆ ءوز قىزمەتىنىڭ دە №2 تىزىمگە جاتاتىندىعىن ايتىپ ازىلدەي كەلە, “جەڭىلدىكتى بەرۋگە ۋادە بەرمەيمىن, بىراق قاراcتىراتىن بولامىز” دەپ جاۋاپ بەردى. كەزدەسۋ بارىسىندا ۇكىمەت باسشىسى كاسىپوداق وكىلدەرىنە بيلىك باسىنداعىلاردىڭ ارىق سويلەپ, سەمىز شىعارۋى كەرەكتىگىن ەسكەرتىپ ءوتتى. الدىمەن كاسىپوداقتار فەدەراتسياسىنىڭ توراعاسى سيازبەك مۇقاشەۆ ءسوز الىپ, سەزد دەلەگاتتارىن ەلورداعا اتباسىن تىرەۋىمەن قۇتتىقتادى. “بۇگىنگى كۇنى ۇكىمەت پەن كاسىپوداق ۇيىمدارىنىڭ اراسىندا وتكىر تۇرعان ماسەلە جوق. ءاربىر ماسەلە ءوزارا تۇسىنىستىك جاعدايىندا, ەكىجاقتى قولداۋ ارقىلى ءوز ورنىمەن شەشىلۋدە. داعدارىس سىنىنان دا دۇرىس وتكەن سەكىلدىمىز. مەن وسى فەدەراتسيانى باسقارعانىما 20 جىل بولىپتى. ۇيىمعا 2 ميلليوننان استام ادام مۇشە. وسى جىلدار ىشىندە ءبىر بايقاعانىم, سوڭعى 5 جىل ءبىز ءۇشىن وتە جەمىستى بولدى. وسى جەتىستىكتەرىمىزدىڭ ىشىندە ەل ۇكىمەتىن باسقارىپ وتىرعان ءسىز سياقتى ازاماتتىڭ ۇلەسى از ەمەس”, دەدى سيازبەك مۇقاشەۆ. ءبىزدى تەك ۇكىمەتپەن عانا جۇمىس ىستەيسىزدەر دەپ كىنا تاعاتىندار جەتكىلىكتى. دەگەنمەن, كاسىپوداقتاردىڭ بۇگىنگى جەتكەن جەتىستىگى سالاعا دۇرىس كوڭىل ءبولىنۋىنىڭ, سونداي-اق ءوزارا تۇسىنىستىك پەن قولداۋدىڭ ناتيجەسى دەپ ويلايمىن, دەدى ول. ودان سوڭ ءسوز العان كارىم ءماسىموۆ پرەمەر-مينيستر قىزمەتىندە كاسىپوداقتار فەدەراتسياسى ءوفيسىنىڭ تابالدىرىعىن ءبىرىنشى رەت اتتاپ وتىرعاندىعىن, سەزد دەلەگاتتارىمەن كەزدەسۋىنە قۋانىشتى ەكەندىگىن جەتكىزدى. سوڭعى 3-4 جىلدا كۇندەلىكتى كەزدەسە وتىرىپ, يىق تىرەستىرە جۇمىس اتقارىپ كەلەمىز. ەلباسىمىزدىڭ باسقارۋىمەن جيناقتاعان ورتاق ارىپتەستىك تاجىريبەمىز, الەۋمەتتىك جانە الەمدىك ۇزدىك تاجىريبەلەر, ۇكىمەت پەن كاسىپوداق ۇيىمدارىنىڭ, جۇمىس بەرۋشىلەردىڭ ءوزارا قارىم-قاتىناستا, بىرلەسە جۇمىس اتقارۋى ەلىمىزدىڭ ويداعىداي دامۋىنا مۇمكىندىك بەرىپ وتىر. ءبىزدىڭ ارىپتەستىگىمىز سىندارلى بولۋى تيىستىگىن اتاپ وتكىم كەلەدى, دەگەن كارىم ءماسىموۆ سيازبەك مۇقاشەۆتىڭ وتە ىسكەر ارىپتەس ەكەندىگىن اتاپ ءوتتى. ال بۇگىنگى تاڭداعى الدىمىزدا تۇرعان نەگىزگى ماقسات – ەلباسى تاپسىرمالارىن ورىنداۋ. بۇل دەگەنىڭىز – ارتاراپتانعان جانە باسەكەگە قابىلەتتى ەكونوميكا. ءبىزدىڭ كاسىپكەرلەر مەن جۇمىس بەرۋشىلەر وسىنى تۇسىنە وتىرىپ, شىعاراتىن ونىمدەرىنىڭ باسەكەگە توتەپ بەرە الاتىنداي ساپالى بولۋىن ويلاۋى قاجەت. سوندا عانا ءبىزدىڭ كاسىپورىندار ءوز ىشىمىزدە, كەيىن كەدەن وداعى كۇشىنە ەنگەندە باسەكەگە قابىلەتتى بولماق, دەدى پرەمەر-مينيستر. جيىن سوڭىندا ۇكىمەت باسشىسى كاسىپوداق وكىلدەرىنە بىرلەسە جۇمىس اتقارىپ كەلە جاتقاندىقتارى ءۇشىن العىس ايتتى. ۆەنەرا تۇگەلباي, “ەگەمەن قازاقستان”.