اۋىز اشتىرۋدىڭ ناقتى قانداي پايداسى بارىن مىنا ءبىر حاديستەن بىلۋگە بولادى.
يبن حۋزەيمانىڭ حاديستەر جيناعىندا ورىن العان ۇزاق ءبىر حاديستە: «كىم ورازا ۇستاعان ادامنىڭ اۋزىن اشتىرسا, ونىسى كۇنالارىنا كەشىرىم بولادى جانە ول توزاق وتىنان ازات بولادى, ورازا ۇستاۋشىعا بەرىلەتىندەي ساۋاپ, ورازا ۇستاۋشىدان كەمىتىلمەستەن وعان دا (اۋىز اشتىرعان ادامعا دا) بەرىلەدى» دەيدى اللا ەلشىسى.
سوندا سول جەردەگى ساحابالار اللا ەلشىسىنە: «ورازا ۇستاۋشىنىڭ اۋىزىن اشتىرۋعا ءبارىمىزدىڭ شامامىز جەتە بەرمەيدى» دەيدى.
ال اللا ەلشىسى ولارعا:«ونداي ساۋاپتى اللا تاعالا ءبىر قۇرمامەن بولسا دا ورازا ۇستاۋشىنىڭ اۋزىن اشتىرعان كىسىگە دە بەرەدى. ءتىپتى, ءبىر جۇتىم سۋ بەرىپ بولسا دا اۋىز اشتىرعان كىسىگە نەمەسە سۋ ارالاسقان ءسۇت بەرىپ بولسا دا اۋىز اشتىرعان كىسىگە سونداي ساۋاپ بەرىلەدى» دەپ جاۋاپ قايتارادى.
سونىمەن قاتار وسى ءحاديستىڭ جالعاسىندا «كىمدە-كىم ورازا ۇستاۋشى ادامدى تويدىرسا, اللا تاعالا قيامەت كۇنى ونى, مەنىڭ حاۋزىمنان (كاۋسار حاۋزىنان) ءبىر جۇتىم شەربەت ىشكىزەدى. سوسىن ول پەيىشكە كىرگەنگە دەيىن شولدەمەيتىن بولادى» (يبن ءحۋزايما ريۋايات ەتكەن) دەلىنگەن.
جوعارىدا كەلتىرىلگەن حاديسكە سۇيەنە وتىرىپ, اۋىز اشتىرۋدىڭ بىرنەشە ساۋابى بارىن ايتۋعا بولادى.
ورازا ۇستاۋشىنىڭ ساۋابى بەرىلەدى;
كۇنالارى كەشىرىلەدى;
رامازان ايىندا پەرىشتەلەر اۋىز اشتىرعان كىسىگە اللادان جارىلقاۋ تىلەپ تۇرادى.
توزاق وتىنان ازات بولادى.
