ساپار اياسىندا بومبەي مىرزا قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى تيمۋر سۇلەيمەنوۆپەن, قر پرەمەر-ءمينيسترىنىڭ ءبىرىنشى ورىنباسارى رومان سكليارمەن, قر يندۋستريا جانە ينفراقۇرىلىمدىق دامۋ ءمينيسترىنىڭ مىندەتىن اتقارۋشى مارات قاراباەۆپەن, ازاماتتىق اۆياتسيا كوميتەتىنىڭ توراعاسى تالعات لاستاەۆپەن جانە قازاقستاننىڭ اۆياتسيالىق اكىمشىلىگىنىڭ باس ديرەكتورى كاتالين رادۋمەن كەزدەستى.
كەزدەسۋلەر بارىسىندا پيتەر بومبەي قازاقستان رەسپۋبليكاسىندا ازاماتتىق اۆياتسيانى باسقارۋ تاسىلدەرىندە جۇرگىزىلىپ جاتقان رەفورمالارعا ەۋروپالىق كوميسسيانىڭ جوعارى باعا بەرگەنى تۋرالى حاباردار ەتتى. بۇل ءبىزدىڭ ەلىمىزدىڭ ازاماتتىق اۆياتسيا سالاسىنداعى وڭىرلىك كوشباسشى رەتىندە قالىپتاسۋىنا ىقپال ەتتى.
سونداي-اق ەۋروپالىق وداقتىڭ ۇشۋ قاۋىپسىزدىگى كوميتەتىنىڭ باسشىسى ازاماتتىق اۆياتسيا كوميتەتى جۇرگىزىپ جاتقان «اشىق اسپان» ساياساتىن وڭ باعالادى.
ساپار بارىسىندا تاراپتار ۇشۋ قاۋىپسىزدىگىن قامتاماسىز ەتۋ, قازاقستان رەسپۋبليكاسى مەن ەۋروپالىق وداق اراسىنداعى اۋە قاتىناسى سالاسىنداعى قۇقىقتىق بازانى كەڭەيتۋ سياقتى كەڭ اۋقىمدى ماسەلەلەردى تالقىلادى.
كەزدەسۋلەردىڭ قورىتىندىسى بويىنشا تاراپتار ازاماتتىق اۆياتسيا سالاسىنداعى ىنتىماقتاستىقتى ودان ءارى نىعايتۋ ماقساتىندا بىرلەسكەن جۇمىستى جالعاستىرۋعا ۋاعدالاستى.
پيتەر بومبەي – ۇشۋ قاۋىپسىزدىگى بويىنشا حالىقارالىق ساراپشى. 24 جىل بويى ەۋروپالىق كوميسسيادا جۇمىس ىستەيدى. 3 جىل بويى يكاو-دا ەۋروپالىق وداقتىڭ وكىلى بولىپ جۇمىس ىستەدى.
بومبەي مىرزا ەۋروپالىق وداقتىڭ ەۋروپالىق كوميسسيانىڭ ۇتقىرلىق جانە كولىك جونىندەگى باس ديرەكتسياسىنىڭ ۇشۋ قاۋىپسىزدىگى جونىندەگى ەۋروپالىق وداق كوميتەتىن 11 جىلدان استام باسقاردى, ول ءوز كەزەگىندە اۋە كومپانيالارىن ەۋروپالىق وداق ەلدەرىنە («قارا ءتىزىم» دەپ اتالاتىن) ۇشۋعا تىيىم سالىنعان تاسىمالداۋشىلار تىزىمىنە ەنگىزۋ ماسەلەلەرىن قاراستىرادى.
