وسىنى ەسكەرگەن ماماندار الدىن الا دابىل قاعۋدا. اسىرەسە, ىندەت الماتىدا ءورشىپ تۇر.
الماتىدا قىزىلشاعا قارسى ساقتىق شارالارى كۇشەيە باستادى. دارىگەرلەر مەكتەپ, بالاباقشالارعا ەسكەرتۋ جاساپ, سانيتارلىق تالاپتى ساقتاۋعا شاقىرىپ جاتىر.
سەبەبى ىندەت جۇقتىرعاندار ارتىپ, 73 ادامنان قىزىلشا تاياقشالارى انىقتالعان.
«قىزىلشا تاياقشالارى انىقتالعان ناۋقاستاردىڭ 67-ءسى 14 جاسقا تولماعان. قازىر قالادا 26 ادام اۋرۋحانادا ەم قابىلداپ جاتىر. ولاردىڭ التاۋى بالا. بارلىعىنىڭ جاعدايى ورتاشا», دەيدى قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى نازگۇل يمانعاليەۆا.
بىلتىر رەسپۋبليكا كولەمىندە قىزىلشا جۇقتىرعان 4 جاعداي عانا تىركەلگەن. سوعان قاراماستان وتكەن جىلى 350 مىڭداي بالا وسى ىندەتكە قارسى ەكپە الدى.
«قىزىلشا ۆيرۋسىنا قارسى ەشقانداي ارنايى ەم جوق. 18 جاسقا دەيىنگى بالالاردىڭ اراسىندا قىزىلشاعا قارسى ەگۋ مارتەبەسىن تەكسەرۋ جۇمىستارى ءجۇرىپ جاتىر. بۇگىنگى كۇنگە دەيىن ەگىلمەگەن ادامداردىڭ سانى – 94 مىڭنان اسىپ وتىر», دەدى دسم سانيتاريالىق-ەپيدەميولوگيالىق باقىلاۋ كوميتەتىنىڭ باسقارما باسشىسى نۇرشاي ازىمباەۆا.
ماماندار قىزىلشادان قورعانۋدىڭ بىردەن-ءبىر جولى – ەكپە الۋ دەيدى. سەبەبى ۆاكتسينا العان بالالاردا اۋرۋ جەڭىل ءوتىپ, تەز جازىلعان. دارىگەرلەر اۋا ارقىلى تارالاتىن جۇقپالى ۆيرۋستىڭ نەگىزگى بەلگىلەرىن اتاپ ءوتتى.
«كاتارالىق سيمپتومدار پايدا بولادى. دەنە قىزۋى كوتەرىلەدى. سول كەزدەردە بالاباقشاعا, مەكتەپكە اپارماۋلارىن سۇرايمىز. ويتكەنى قىزىلشا اۋرۋىنىڭ كوبىنە دەنەسىنە بورتپە شىققان كەزدە عانا ءمان بەرەدى. سول سەبەپتى كەش انىقتالىپ جاتادى», دەدى قالالىق سانيتاريالىق-ەپيدەميولوگيالىق باقىلاۋ دەپارتامەنتىنىڭ ءبولىم باسشىسى الماش احمەتوۆا.
قىزىلشا – دەنە قىزۋىنىڭ كوتەرىلۋى, جوتەل, مۇرىننان سۋ اعۋ, جانە بورتپە تۇرىندە كورىنەتىن ۆيرۋستىق اۋرۋ. اۋا ارقىلى تارايدى. ينفەكتسيانى ودان ارى ورشىتپەۋ ماقساتىندا الماتىلىق دارىگەرلەر ناۋقاستارمەن قارىم-قاتىناستا بولعان تۇرعىنداردى ءجىتى قاراپ, مەديتسينالىق باقىلاۋعا العان.
