رەيدەرلىككە جول بەرمەۋ ماقساتىندا

جۋىردا اقوردادا قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى م.ءتاجيننىڭ توراعالىعىمەن ۇلتتىق قاۋىپسىزدىك ستراتەگياسىنىڭ ماسەلەلەرى بويىنشا ۆەدومستۆوارالىق كوميسسيانىڭ وتىرىسى بولدى. رەيدەرلىككە قارسى ارەكەت ماسەلەلەرى جونىندە باس پروكۋرور ق.ءمامي جانە جوعارعى سوتتىڭ توراعاسى م.الىمبەكوۆ باياندامالار جاسادى. وتىرىسقا قاتىسۋشىلار رەيدەرلىككە قارسى ارناۋلى زاڭ ازىرلەۋدىڭ ورىندىلىعى, رەيدەرلىككە قارسى تۇرۋ جونىندە ناقتى شارالاردىڭ قاجەتتىلىگى تۋرالى پىكىر الماستى. ەكولوگيالىق قاۋىپسىزدىكتىڭ جاي-كۇيى تۋرالى قورشاعان ورتانى قورعاۋ ءمينيسترى ن.ءاشىموۆ حابارلاما جاسادى. م.ءتاجين تابيعات قورعاۋ سالاسىنداعى بارلىق ماسەلەگە قاتىستى جاڭا ەكولوگيالىق-ەكونوميكالىق كوزقاراس ازىرلەۋ قاجەتتىگىن اتاپ ءوتتى. تالقىلاۋ قورىتىندىلارى بويىنشا ءتيىستى مەملەكەتتىك ورگاندارعا رەيدەرلىككە قارسى تۇرۋ جانە قورشاعان ورتانى قورعاۋ جونىندەگى قىزمەتتى جەتىلدىرۋ تۇرعىسىندا ىقپالدى قۇقىقتىق تەتىك قۇرۋ جونىندە ناقتى تاپسىرمالار بەرىلدى. وتىرىستا بەرىلگەن تاپسىرمالاردى ورىنداۋدى باقىلاۋ قازاقستان رەسپۋبليكاسى قاۋىپسىزدىك كەڭەسىنىڭ حاتشىلىعىنا جۇكتەلدى.