ءمينيستردىڭ جازۋىنشا, جەتى باعىتتان تۇراتىن تۇجىرىمدامانىڭ نەگىزگى باعىتتارىنىڭ ءبىرى – اۋىل جاستارىن كاسىبي تۇرعىدا دامىتۋ, كاسىپكەرلىك ارقىلى ولاردىڭ الەۋەتىن ىسكە اسىرۋعا باسا نازار اۋدارۋ. ونىڭ اياسىندا 2029 جىلعا دەيىن 1 ميلليون اۋىل جاستارىن جۇمىسپەن قامتۋ, 3,8 ميلليون جاستى رەسۋرستىق ورتالىقتار ارقىلى الەۋمەتتىك قىزمەتتەرمەن قامتۋ كوزدەلگەن.
2029 جىلعا دەيىن قوعامدىق كەڭەستەردە جاستار كۆوتاسىن 20%-عا ارتتىرۋ, جاس مەملەكەتتىك قىزمەتشىلەردىڭ كورسەتكىشىن 25%-عا ۇلعايتۋ, 2,2 ملن جاستى ۆولونتەرلىك, قايىرىمدىلىق جانە ەكولوگيالىق باستامالارعا تارتۋ جوسپارلانىپ وتىر.
نەگىزگى ماقساتتاردىڭ ءبىرى – NEET ساناتىنداعى جاستاردىڭ ۇلەسى 6,7%-دان 3,5%-عا دەيىن تومەندەتۋ.
2029 جىلعا دەيىن 18,2 مىڭ جاسقا جەڭىلدەتىلگەن نەسيە بەرىلەدى. سونداي-اق 2,3 ميلليون جاستى جۇمىسپەن, 2,8 ميلليون جاستى جوعارى بىلىممەن قامتۋ كوزدەلىپ وتىر.
«ۇكىمەت باسشىسى قول قويعان تۇجىرىمداما جاستار ساياساتىن ودان ءارى دامىتۋعا وڭ اسەر ەتەدى دەپ سەنەمىز», دەپ جازدى مينيستر.
