كەزىندە مينيستر, بىرنەشە وبلىسقا اكىم بولعان ساياساتكەر جەلىدەگى جازباسىندا ءبىلىم بەرۋ سالاسىنا كەزدەيسوق كەلمەگەنىن ايتادى.
«سوناۋ 2018 جىلدىڭ ءساۋىر ايىندا «Jas Qazaq» اقپاراتتىق اگەنتتىگىنىڭ بەتتەرىندە مەنىڭ «دەمالىسقا شىققاندا جاستارعا ساباق بەرسەم دەيمىن» دەگەن ويىم جارىق كورگەن ەكەن. سول ويىمدى 53 جىلدىق جۇمىس ءوتىلىمدى اياقتاعان سوڭ, مەملەكەت باسشىسى جانىنداعى مەملەكەتتىك باسقارۋ اكادەمياسىنىڭ ءبىلىم الۋشىلارىنا ارنالعان دارىستەرىمنىڭ اياسىندا جۇزەگە اسىرۋ تۋرالى شەشىم قابىلدادىم», دەپ جازدى ەكس-اكىم.
بۇل رەتتە بەردىبەك ساپارباەۆ جازباعا بايلانىستى سۇراق قويعان جەلى قولدانۋشىلارىنا جاۋاپ بەرگەن. ەكس-اكىمنىڭ سوزىنشە, ول اكادەميا ماگيسترانتتارىنا, مەملەكەتتىك قىزمەتشىلەرگە مەملەكەتتىك قىزمەت, حالىقپەن قارىم-قاتىناس بويىنشا ءدارىس بەرەدى. سونداي-اق ونىڭ جالاقى مولشەرىنە قاتىستى سۇراق قويىلدى. وعان بەرگەن جاۋابىندا ەكس-شەنەۋنىك «زەينەتاقىم بار, جەتكىلىكتى», دەپ جاۋاپ بەرگەن.
