«وسى اپتادا قاراقۇمىق جارماسىنىڭ باعاسى – 1,3 پايىزعا, قانت – 0,8 پايىزعا, پياز – 0,3 پايىزعا جانە كارتوپ – 0,7 پايىزعا تومەندەدى. سونداي-اق جالپى ءۇش وڭىردە, ياعني الماتى قالاسى, شىعىس قازاقستان, الماتى وبلىستارىندا كۇنباعىس مايىنىڭ باعاسى 1,1 پايىزعا تومەندەدى», دەپ اتاپ ءوتتى ساۋدا كوميتەتى توراعاسىنىڭ مىندەتىن اتقارۋشى ايدار ابىلدابەكوۆ.
سونىمەن قاتار مايلى داقىلداردى قايتا وڭدەۋشىلەر قاۋىمداستىعىنىڭ مالىمەتتەرى بويىنشا 2022 جىلدىڭ قازان-قاراشا ايلارىمەن سالىستىرعاندا كۇنباعىس كۇنجاراسىنىڭ باعاسى 30%-عا, ال كۇنباعىس مايىنىڭ باعاسى وتكەن جىلدىڭ قاراشاسىمەن سالىستىرعاندا 19%-عا دەيىن تومەندەگەن. قازىر وتاندىق ماي زاۋىتتارىندا وندىرىلەتىن تازارتىلعان كۇنباعىس مايىنىڭ ساتۋ باعاسى ليترىنە 630-680 تەڭگە ارالىعىندا.
اۋىل شارۋاشىلىعى ۆيتسە-ءمينيسترى ابىلقايىر تامابەك وڭىرلەردەگى قالىپتاسقان قورلاردان كوكونىستەردى برونداۋدان شىعارۋ ناتيجەلەرى مەن قورلاردىڭ كولەمى جايلى مالىمدەدى. ءساۋىر ايىنىڭ سوڭىنا دەيىن 29,9 مىڭ توننا كارتوپقا قاجەتتىلىك تۋسا, 18 وڭىردە بۇل كوكونىس تۇرىمەن قامتاماسىز ەتۋ كولەمى 90 پايىزدان جوعارى, قالعان ەكى وڭىردە – 69 پايىزدى قۇرادى. سابىزگە سۇرانىس بيىلعى ءساۋىر ايىنىڭ سوڭىنا دەيىن – 6,8 مىڭ توننا بولسا, قاراعاندى وبلىسىن (69 پايىز قوسپاعاندا, قورمەن قامتاماسىز ەتۋ 100 پايىزدان جوعارى. ەكى وبلىس (جامبىل جانە قىزىلوردا) قىرىققاباتپەن 50 پايىزدان تومەن, ال قالعان بارلىق ءوڭىر ودان جوعارى دەڭگەيدە قامتاماسىز ەتىلدى. بارلىق وبلىستارداعى پياز قورى 50 پايىزدان اسادى.
ء«بىز تاۋارلىق ينتەرۆەنتسيالار جۇمىسىنىڭ ناتيجەسىن كورىپ وتىرمىز جانە بۇل جۇمىستى ەرتە شىعاتىن كوكونىس تۇرلەرى كەلىپ تۇسكەنشە جالعاستىرۋىمىز كەرەك. سونىمەن قاتار ازىق-ت ۇلىك تاۋارلارىن فورۆاردتىق ساتىپ الۋدى قارجىلاندىرۋدى 70%-عا دەيىن ۇلعايتا وتىرىپ, الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ تەتىكتەرىن ىسكە اسىرۋدىڭ ۇلگىلىك قاعيدالارىن قايتا قاراپ, اينالىم سحەمالارى بويىنشا 30%-عا دەيىن تومەندەتۋ قاجەت. وسىلايشا, فورۆاردتىق ساتىپ الۋلاردىڭ ارقاسىندا بىزدە نارىقتاعى باعانىڭ تۇراقتانۋىنا اسەر ەتۋگە مۇمكىندىك بەرەتىن ءونىم قورىنىڭ كەپىلدەندىرىلگەن كولەمى بولادى», دەدى سەرىك جۇمانعارين.
