استانادا كونگرەسس حولل سارايىندا «استانانىڭ ۇزدىك تاۋارى- 2014» ايماقتىق بايقاۋ-كورمەسى ءوتتى. شاعىن جانە ورتا بيزنەس وكىلدەرى وندىرەتىن تاۋارلارى مەن ازىق-ت ۇلىك تۇرلەرىن كورسەتىپ قانا قويماي, جىلدىڭ ۇزدىك تاۋارى اتاعىن يەلەنۋ ءۇشىن سايىسقا ءتۇستى.
قازىرگى تاڭدا شاعىن جانە ورتا بيزنەس استانا ەكونوميكاسىنىڭ ماڭىزدى سالالارىنىڭ ءبىرى. كاسىپكەرلىك سالاسىنىڭ دامۋىنا جاڭا تەحنيكالاردى قولدانۋ, زاماناۋي تەحنولوگيالار مەن جاڭاشىل تاسىلدەردى ەنگىزۋ قازاقستاننىڭ الەم جانە تمد ەلدەرى اراسىنداعى ەكونوميكالىق دامىعان كوشباسشىلار قاتارىنا ەنۋ اۋقىمىنا شىعۋعا ىقپال ەتپەك.
بايقاۋ-كورمەگە ءتۇرلى سالالاردا قىزمەت اتقاراتىن استانا قالاسىنىڭ كاسىپكەر-وندىرۋشىلەرى قاتىسىپ, «ۇزدىك وندىرىستىك تاۋار», «تۇرعىندارعا ارنالعان ۇزدىك تاۋار», «ۇزدىك ازىق-ت ۇلىكتىك تاۋار» اتالىمدارى بويىنشا ۇزدىكتەر ساراپتالدى.
بايقاۋ قورىتىندىسى بويىنشا جەڭىمپازدار مەن ۇزدىك كاسىپكەرلەر باعالى سىيلىقتارمەن, كۋبوك جانە ديپلومدارمەن ماراپاتتالىپ, سوڭى كونتسەرتكە ۇلاستى.
