ەلىمىز وڭدەۋ ونەركاسىبى بويىنشا رەسەي, وڭتۇستىك كورەيا جانە پولشانى باسىپ وزدى

استانا. 2 شىلدە. ۇكىمەت باسشىسىنىڭ ورىنباسارى, يندۋستريا جانە جاڭا تەحنولوگيالار ءمينيسترى اسەت يسەكەشەۆ ەلىمىزدىڭ وڭدەۋ ونەركاسىبى بويىنشا رەسەي, وڭتۇستىك كورەيا جانە پولشا مەملەكەتتەرىنەن وزىپ كەتكەنىن مالىمدەدى. بۇل تۋرالى «قازاقپارات» حابارلادى. ەلىمىزدەگى ۇدەمەلى يندۋستريالدى-يننوۆاتسيالىق دامۋ مەملەكەتتىك باعدارلاماسىنا قاتىستى 2014 جىلدىڭ ءى جارتىجىلدىعىنىڭ ناتيجەلەرىن بايانداۋ بارىسىندا اسەت يسەكەشەۆ: «قازاقستان وڭدەۋ ونەركاسىبى بويىنشا الدىڭعى قاتارلى ەلدەردىڭ ساناتىنا كىرىپ, تۇركيادان كەيىنگى ورىنعا تابان تىرەدى. ءبىز وسى سالادا رەسەي, وڭتۇستىك كورەيا جانە پولشانى باسىپ وزدىق», – دەدى. يندۋستريا جانە جاڭا تەحنولوگيالار ءمينيسترىنىڭ ايتۋىنشا, ەلىمىزدەگى وڭدەۋشى ونەركاسىپ سالاسىندا جاڭا جەتەكشى سەكتورلار پايدا بولۋدا. ءا.يسەكەشەۆ: «ءداستۇرلى جەتەكشى سەكتورلار مەتاللۋرگيا مەن ازىق-ت ۇلىك ونەركاسىبىنە بيىل مۇناي وڭدەۋ مەن ماشينا جاساۋ سالاسى قوسىلدى. بۇل سالالار 4 جىل ىشىندە وڭدەۋ ونەركاسىبى سالاسىن ءبىرشاما تۇراقتاندىردى», – دەدى. جولدىباي بازار. دەرەككوز: «قازاقپارات». فوتو: ortcom.kz.