«بولاشاق» قورىنىڭ ۇيىمداستىرۋىمەن وتكەن «اutism Talks» الاڭىندا اتا-انالار اۋتيزم دياگنوزى قويىلعان بالالارىن قوعامعا بەيىمدەۋ, وقىتۋ جانە شىعارماشىلىق تالانتىن دامىتۋ باعىتىنداعى تاجىريبەلەرىمەن ءبولىستى.
قور توراعاسى دينارا عاپلاننىڭ ايتۋىنشا, ء«ار بالا مەكتەپكە بارۋعا لايىقتى» جوباسى شەڭبەرىندە اۋتيزممەن اۋىراتىن 700-دەن استام بالاعا قولداۋ كورسەتىلگەن.
«جوبا اياسىندا قور بۇكىل قازاقستان بويىنشا 70 مامانداندىرىلعان وڭالتۋ مەكەمەسى مەن كابينەتىن اشىپ, جابدىقتادى. ونىڭ ىشىندە قازاقستاننىڭ 22 قالاسىندا 46 ينكليۋزيانى قولداۋ كابينەتىن اشتىق. جوبا ەرەكشە ءبىلىم بەرۋدى قاجەت ەتەتىن 2000-نان استام بالانى قامتىدى. اۋتيزم جانە دامۋىندا باسقا دا ەرەكشەلىكتەرى بار 700-دەن استام بالا مەكتەپ تابالدىرىعىن اتتاپ, قۇرداستارىمەن ءبىر پارتاعا وتىردى. ول بالالاردى بۇرىن مەكتەپتەرگە جانە ارنايى سىنىپتارعا دا الماعان. ەندى ولار قور جۇمىسىنىڭ ناتيجەسىندە بارلىعىمەن تەڭ دارەجەدە مەكتەپكە بارىپ, ءبىلىم الىپ ءجۇر. ءبىزدىڭ قوردىڭ باستاماسىمەن ەرەكشە قاجەتتىلىكتەرى بار بالالارعا ارنالعان ارنايى وقۋ باعدارلامالارى دا ازىرلەندى, ياعني ءار ءبۇلدىرشىننىڭ ەرەكشەلىگىنە قاراي ءبىلىم بەرىلەدى», دەدى «بولاشاق» قورى قامقورشىلىق كەڭەسىنىڭ توراعاسى دينارا عاپلان.
بالاسىنا اتالعان دياگنوز قويىلعانداردىڭ ءبىرى – قازىباەۆتار وتباسى. جانۇيا ءسابيىن قوعامعا بەيىمدەۋ ءۇشىن ارنايى باعدارلاما ازىرلەگەن. ونىڭ ناتيجەسىن كورگەن اقتوبەلىك ەرلى-زايىپتىلار وزگەلەرگە دە كومەكتەسۋ ماقساتىندا ورتالىق اشىپتى.
ء«بىزدىڭ ورتالىقتا 15 مامان جۇمىس ىستەيدى. بۇگىنگە دەيىن 2 مىڭنان استام بالاعا دياگنوستيكا جاسادىق. ورتالىقتا 35 بالا وڭالتۋدان ءوتىپ جاتىر. قازىر اۋتيزممەن اۋىراتىن بالالارعا قوعام ىڭعايلى بولىپ كەلەدى. وسىدان 15 جىل بۇرىن, مەنىڭ بالاما وسى دياگنوز قويىلعاندا قوعام مۇلدەم دايىن ەمەس ەدى. بارلىعى مەنىڭ بالامنىڭ مەكتەپتە وقىعانىنا قارسى بولدى. «دالاعا شىعارما, مەكتەپكە بەرمە, ۇيدە وتىرسىن» دەپ, شەكتەپ ۇستاتۋعا تىرىستى. بىراق, ءبىز جۇبايىم ەكەۋمىز بالامەن باسقاشا جۇمىس ىستەيمىز دەپ شەشتىك. وسى ءوز جولىمىزبەن ءجۇرىپ, جەتىستىككە جەتە بىلدىك. وعان قۋانىشتىمىز. وسىدان كەيىن كوپشىلىك بىزدەن كومەك سۇراپ كەلدى. سۇرانىس كوپ بولعاننان كەيىن, ءبىز ورتالىق اشتىق», دەدى سارا قازىباەۆا.
ءىس-شاراعا اتا-انالارمەن قاتار, اۋتيزم دەرتىمەن اۋىراتىن بالالارمەن جۇمىس ىستەيتىن ماماندار دا قاتىستى. ولار قاتىسۋشىلارعا كاسىبي كەڭەس بەردى.
