ماسەلەن, «Respublica» پارتياسىنىڭ 50 پايىزى جاستار, 6 دەپۋتاتتىڭ 3-ەۋى جاس دەپۋتات. بۇل – «جاڭا قازاقستان» دەپ اتالعان داۋىردەگى جاڭا سايلاۋ. سوعان ساي وزىندىك ەرەكشەلىكتەرى دە بولدى. بيىلعى سايلاۋدا پارتيالاردىڭ جاستارعا كوپ كوڭىل ءبولىپ, ولاردىڭ پىكىرىمەن كەڭەسىپ جاتقانى قۋانتادى.
سايلاۋ الدىندا ۇيىمداستىرىلعان تەلەدەبات تا بۇرىن-سوڭدى بولماعان جوعارى دارەجەدە ءوتتى. سول كەزدە-اق بىرنەشە ادام ءوزىنىڭ وتكىر پىكىرىمەن كوزگە تۇسكەن ەدى. ناقتىراق ايتقاندا, «Respublica» پارتياسىنان دينارا شۇكىجانوۆانىڭ وي-تولعاۋى ۇنادى. سونىمەن قاتار «Amanat» پارتياسىنان اسحات ايماعامبەتوۆ سەكىلدى ازاماتتارىمىزدىڭ قاتارعا قايتا قوسىلعانىن كوپشىلىك كۇتتى دەۋگە بولادى. قازاقستان حالىق پارتياسىنان يرينا سميرنوۆا دا ءماجىلىس دەپۋتاتى بولدى. بۇل سايلاۋدان جاڭا لەپ پەن وزگەرىستى كوپ بايقاپ وتىرمىز.
سونداي-اق دەپۋتاتتاردىڭ جاس ەرەكشەلىگىنە عانا ەمەس, مۇمكىندىگىنە دە ەشقانداي شەكتەۋ قويىلمادى. شەتەلدە مۇمكىندىگى شەكتەۋى جاندار وزگەلەرمەن تەڭ ءومىر سۇرەدى. ولاردى كەز كەلگەن ورتادان كورۋگە بولادى. مۇگەدەكتىگى بار ازاماتتارعا بارلىق قولايلى جاعداي جاسالعان. ءبىزدىڭ ەلدە دە وسى باعىتقا قاراي بەت تۇزەپ كەلەدى. ول ءۇشىن ەڭ الدىمەن ماجىلىسكە مۇمكىندىگى شەكتەۋلى جانداردىڭ مۇڭ-مۇقتاجىن تۇسىنەتىن ازامات كەلىپ, ورتانى وزگەرتۋگە اسەر ەتۋى كەرەك. ەرەكشە جانداردىڭ بيلىكتە وتىرعانىن جانە وزدەرىنە قاتىستى ماسەلە جونىندە شەشىم قابىلداي بىلگەنىن دۇرىس دەپ ەسەپتەيمىن. جاڭا پارتيالار ءوز ەلەكتوراتىنىڭ سەنىمىن اقتاپ, قوعام تالابىنداعى وزەكتى ماسەلەلەر شەشىمىن تاباتىنىنا سەنىم مول.
اسەم قايداروۆا,
قازاقستان قوعامدىق دامۋ ينستيتۋتى
باسقارما توراعاسىنىڭ ورىنباسارى
