ەكونوميكا مەن الەۋمەتتىك ماسەلەلەرگە باسا ءمان بەرە وتىرىپ, تەز شەشۋ جولدارىن قاراستىرۋ قاجەت ەكەنىن باسا تاپسىردى. سونىمەن قاتار عىلىم مەن جوعارى ءبىلىم, وقۋ-اعارتۋ مەن مادەنيەت پەن سپورت سالالارىن دامىتۋعا قۇزىرلى ورگاندارعا ارنايى تاپسىرما بەردى. پرەزيدەنتىمىزدىڭ «ادىلەتتى قازاقستان دەگەنىمىز – جالاڭ ۇران ەمەس, بۇل – انىق اقيقات» دەگەنى كوڭىلگە سەنىم ۇيالاتادى. سونىڭ ءبىر دالەلى رەتىندە «قازاقستاننىڭ حالىق ءارتىسى» اتاعىن قايتارۋ تۋرالى شەشىمىنىڭ كۇشىنە ەنىپ, تالاي جىلعى ۇزىلىستەن كەيىن ول قازان ايىندا العاش رەت لايىقتى ونەر قايراتكەرلەرىنە قايتا تاپسىرىلاتىنى تۋرالى ايتقانى شىعارماشىلىق وكىلدەرىن جىگەرلەندىرىپ وتىر.
اباي اتىنداعى قازاق ۇلتتىق وپەرا جانە بالەت تەاترىنىڭ باسشىسى رەتىندە بۇل اتاقتىڭ ونەر ادامى ءۇشىن قانشالىقتى قىمبات جانە ماڭىزدى ەكەنىن جاقسى بىلەمىن. بار ءومىرىن ساحناعا ارناپ, كۇندىز-ءتۇنى ىزدەنىستە جۇرەتىن ارتىستەردىڭ ەڭبەگى وسىنداي ۇلكەن اتاقپەن پرەزيدەنتتىڭ ءوز قولىنان ماراپاتتالۋى – ۇلكەن مارتەبە. ەندى ءبىر ەستەن شىعارماي مۇقيات بولاتىن ماسەلە بار. ول اتاق ەكىنىڭ بىرىنە بەرىلە بەرمەۋى كەرەك. قازاقتا ء«اۋ دەمەيتىن قازاق جوق» دەيتىن ءسوز بار, ەل الدىندا ەشبىر اسىپ بارا جاتقان ەڭبەگى جوق, فونوگرامماسىمەن توي مەن ساحنانىڭ شاڭىن شىعارىپ جۇرگەن انشىلەرگە بەرىلەتىن بولسا, وندا ول اتاقتىڭ قۇنى جوعالادى. سوندىقتان بۇل اتاق شىن ونەرىمەن ەلدى اۋزىنا قاراتىپ تامساندىرعان جۇزدەن جۇيرىك, مىڭنان تۇلپار شىققان, ونەردىڭ جىلىگىن شاعىپ, مايىن ىشكەن دۋالى اۋىزدى ونەر ازاماتتارىنا بەرىلىپ جاتسا, حالىق سىيلايتىن بولادى. ايتپەسە, كەيىنگى كەزدە نەبىر جەكە كومپانيالار ءتۇرلى مەدالدار جاساپ, تويدا مەدال تاراتاتىن جاعدايعا جەتتىك. قاراپ وتىرىپ ۇيالاسىڭ, مەدال, وردەن, ماقتاۋ قاعازدارى تەك مەملەكەتتىك تاراپتان عانا تاپسىرىلۋى كەرەك. وسى ماسەلەگە تەرەڭىنەن ءمان بەرسەك ەكەن.
باقىت بوكەباەۆ,
اباي اتىنداعى قازاق ۇلتتىق وپەرا جانە بالەت تەاترىنىڭ ديرەكتورى, قازاقستاننىڭ ەڭبەك سىڭىرگەن قايراتكەرى
