بۇل – زور جەتىستىك. ويتكەنى اتالعان فەدەراتسياعا مۇشە بولۋ ەرەكشە قازاقستاندىق سپورتشىلار ءۇشىن جاڭا مۇمكىندىكتەرگە جول اشادى.
ەندى وتاندىق فەدەراتسيانىڭ وكىلدەرى بوچچا بويىنشا چەللەندجەرلەر, الەم چەمپيوناتتارى, پاراليمپيادا ويىندارى, ازيا پاراليمپيادا ويىندارى سياقتى حالىقارالىق جارىستارعا قاتىسا الادى.
بيىل قازاقستان بوچچا فەدەراتسياسى قازاقستان ۇلتتىق قۇراماسىنىڭ 8 مۇشەسىنە ءۇش حالىقارالىق جارىسقا, ناقتى ايتقاندا, ەكى حالىقارالىق چەللەندجەرگە جانە ازيا پاراليمپيادا ويىندارىنا قاتىسۋعا ءوتىنىم بەرۋدى جوسپارلاپ وتىر. ازيا پاراليمپياداسى 2023 جىلدىڭ قازان ايىندا قىتايدا, ال پاراليمپيادا 2024 جىلى پاريجدە وتەدى.
«بۇل – ينكليۋزيۆتى سپورت تۇرلەرىنىڭ دامۋىنا مۇددەلى كەز كەلگەن ادام ءۇشىن ۇلكەن جەڭىس. وسىلايشا, مۇگەدەكتىگى بار سپورتشىلارعا جاڭا مۇمكىندىكتەر تۋىپ وتىر. ءبىزدىڭ جارىستارىمىزعا كوبىنە ەرەكشە بالالار قاتىسادى. ەندى ولاردىڭ الدىندا جاڭا ماقساتتار مەن مىندەتتەر پايدا بولدى. سونداي-اق جاس سپورتشىلار ءۇشىن بۇل ورتاعا بەيىمدەلۋگە, دوس تابۋعا جانە جاڭا تاجىريبە الۋعا زور سەپتىگىن تيگىزەدى. حالىقارالىق فەدەراتسياعا مۇشە بولۋ ءبىزدىڭ ەرەكشە سپورتشىلارىمىزدىڭ دەڭگەيى مەن ەڭبەگىنىڭ الەمدىك دەڭگەيدە مويىندالۋى ەكەنى ءسوزسىز», دەدى پارلامەنت سەناتىنىڭ توراعاسى جانە قازاقستان بوچچا فەدەراتسياسىنىڭ پرەزيدەنتى ماۋلەن اشىمباەۆ.
ايتا كەتەيىك, بيىل ماۋسىم ايىندا قازاقستان بوچچا فەدەراتسياسى بوچچادان قازاقستان چەمپيوناتىن وتكىزەدى. سونىڭ ناتيجەسىن بويىنشا قازاقستان قۇراماسى جاساقتالادى.
