TikTok-تاعى تانىمال كونتەنت اۆتورلارىنىڭ عانا ەمەس, مادەنيەت جانە سپورت مينيسترلىگى جانە «Kazakh Tourism» ۇك» اق قولداۋىمەن وتكەن ونلاين-فەستيۆالگە قىزىعۋشىلىق تانىتقاندار, اتسالىسقاندار وتە كوپ بولدى. ەندى ەڭ ۇزدىك روليكتەر بايقاۋىنىڭ جەڭىمپازدارى ەلىمىزدىڭ ەڭ سۇلۋ مەكەندەرىنە ساپار شەگەدى.
ەگەر ءار زاماننىڭ وزىنە ساي سازى بولاتىنىن ەسكەرسەك, قازىرگى تاڭدا TikTok الەمنىڭ ءار تۇكپىرىندەگى ەلدەردىڭ مادەنيەتىن جاڭا قىرىنان تانۋعا مۇمكىندىك بەرەتىن تىلدەسۋ قۇرالى ىسپەتتى. ال TikTok-تاعى ونلاين-فەستيۆال پلاتفورمانىڭ قازاقستانداعى ءىرى قاۋىمداستىعىنىڭ باسىن قوستى. ەلىمىزدىڭ تۇكپىر-تۇكپىرىندەگى وتانداستارىمىز ناۋرىزدى قالاي اتاپ وتكەنىن پاش ەتتى: جەرلەستەرىمىز ءبىر بىرىنە جۇرەكجاردى لەبىزدەرىن توگىپ, جىل باسىنان جاقسىلىقتار تىلەپ, مەرەكەلىك داستارحان دايىنداپ, ۇلتتىق اندەردى اۋەلەتتى. ءار ءوڭىردىڭ وزىندىك داستۇرلەرى مەن سالتى سالتانات قۇردى. قورىتىندىلاي كەلگەندە جوبا حەشتەگىندەگى روليكتەر 120 ميلليوننان استام قارالىم جينادى.
پلاتفورما قولدانۋشىلارى ناۋرىز-كوجەدەن نەشە ءتۇرلى مازىردەن باستاپ, ءدامى ءتىل ۇيىرگەن اسىلعان ەت پەن قۋىرداق, بىلقىلداعان باۋىرساق سياقتى ەرەكشە مەرەكەلىك تاعامدار دايىنداۋدىڭ سىرىمەن ءبولىستى. ەلىمىزدىڭ تۇكپىر-تۇكپىرىنەن مەرەكەلەردەن رەپورتاجدار جۇرگىزىلىپ, ناعىز حالىقتىق مەيرام ناقىشتارى پاش ەتىلدى. تانىمال كونتەنت اۆتورلارى مەرەكە تاريحى تۋرالى بايانداپ, وزدەرى دە ۇلتتىق كيىمدەر مەن زەرگەرلىك بۇيىمداردىڭ سۇلۋلىعىن ناسيحاتتادى. ارينە, پلاتفورما ۇلتتىق اۋەنگە بولەنىپ, باستى مۋزىكالىق ترەندتەرىنىڭ ءبىرى داستۇرلەر مەن زاماناۋي موتيۆتەردى ۇيلەستىرەتىن «قاماجاي» قازاق حالىق ءانىنىڭ رەميكسىنىڭ ءبيى بولدى.
جوباعا قاتىسقان بارلىق قولدانۋشى اراسىندا ەڭ جاڭاشىل بەينەروليكتەردىڭ اۆتورلارى انىقتالعان كەزدە, قازاقستاننىڭ تۇكپىر-تۇكپىرىندە ناۋرىز قالاي تويلاناتىنى تۋرالى كوركەم سۋرەتتەمە جاساعان @malikatakira ءبىرىنشى ورىندى جەڭىپ الدى. ال ەكىنشى ورىنعا اسىلعان ەتتىڭ وتباسىلىق رەتسەپتىن بولىسكەن @pak_lafamilia يە بولدى. ءۇشىنشى ورىنعا تاۋداعى بي تۇسىرىلگەن روليك اۆتورلارى @kz_white_angel_kz لايىق دەپ تانىلدى.
جەڭىمپازدارعا مادەنيەت جانە سپورت مينيسترلىگى مەن «Kazakh Tourism» ۇلتتىق كومپانياسى» اق تاعايىنداعان «Rocket Go Travel» تۋريستىك كومپانياسىنان باعالى سىيلىعى – قازاقستاننىڭ ەڭ كورىكتى مەكەندەرىنە ساياحات جاساۋ بۇيىرىپ وتىر.
ء«بىز ەلىمىزدەگى ءىرى قاۋىمداستىقپەن بىرگە ناۋرىز مەرەكەسىنىڭ سالتاناتىن اسىرعانىمىزعا وتە قۋانىشتىمىز. TikTok-تى مەرەكەنىڭ مىڭ قۇلپىرعان بوياۋلارىمەن, عاجايىپ اۋەندەرمەن, كوزدىڭ جاۋىن الاتىن داستارقان, بي جانە كەرەمەت كوڭىل-كۇيلەرمەن تولتىرعانى ءۇشىن قولدانۋشىلارىمىزعا راقمەت! سىزدەردىڭ ارقالارىڭىزدا بۇكىل الەم بويىنشا قازاقستاننىڭ مادەنيەتى قانشالىقتى ادەمى جانە بىرەگەي ەكەنى تۋرالى بارىنشا كوپ ادام بىلە الادى», دەيدى TikTok-تىڭ شىعىس ەۋروپا مەن ورتالىق ازياداعى وپەراتسيالىق ءبولىمىنىڭ باسشىسى ەكاتەرينا بلينەتس.
«وسىناۋ جوبا ەلىمىزدىڭ ءار وڭىرىندەگى مەرەكەنىڭ ەرەكشەلىكتەرى تۋرالى ايتىپ, مادەنيەتىمىزدىڭ الۋان تۇرلىلىگىن زاماناۋي فورماتتا كورسەتۋگە مۇمكىندىك بەردى. TikTok قازاقستانداعى ءارتۇرلى ۇرپاقتار اراسىندا, سونىڭ ىشىندە جاستار اراسىندا تانىمال. ۇلتتىق داستۇرلەرىمىزدى ونلاين-پلاتفورمالار ارقىلى ناسيحاتتاۋ وتە ماڭىزدى», دەدى مادەنيەت جانە سپورت مينيسترلىگىنىڭ رەسمي وكىلى ءمولدىر ابدۋاليەۆا.
«TikTok-پەن سەرىكتەستىگىمىزدىڭ ارقاسىندا ەڭ ۇلكەن مەرەكەمىز – ناۋرىزدى تويلاۋعا بارىنشا نازار اۋدارتىپ, الەمنىڭ تۇكپىر-تۇكپىرىنەن قولدانۋشىلارىمىزعا ەلىمىزدىڭ ءارتۇرلى وڭىرىندەگى مادەنيەتتىڭ الۋان تۇرلىلىگى مەن بايلىعىن كورسەتۋگە ۇمتىلدىق. شىندىعىندا, بيىلعى مەرەكەنىڭ اۋقىمى كەڭ ءارى بىرقاتار وڭىردە تۋريستىك ماۋسىمنىڭ اشىلۋىنىڭ نىشانى ىسپەتتى بولدى», دەيدى «Kazakh Tourism» ۇك» اق باسقارما توراعاسى تالعات امانباەۆ.
