بۇل تۋرالى مادەنيەت جانە سپورت ۆيتسە-ءمينيسترى نۇرعيسا داۋەشوۆ مالىمدەدى.
وقىتۋ شارالارى اياسىندا وتاندىق كىتاپحانا ماماندارى تۇرىك كىتاپحانالارىنىڭ جۇمىسىمەن تانىسىپ, تاجىريبە الماسادى. اتاپ ايتقاندا, سيرەك باسىلىمدار قورىمەن جۇمىس ىستەۋ, رەستاۆراتسيا تاجىريبەسى, كىتاپحاناداعى اقپاراتتاندىرۋ ءۇردىسى, زاماناۋي بيبليوگرافيالىق شارالار جانە ت.ب. باعىتتار بويىنشا بىلىكتىلىك ارتتىرادى.
بۇگىندە قولدانىستاعى زاڭنامادا بەلگىلەنگەن ءتارتىپ بويىنشا ءتيىستى ۇيىمداستىرۋ جۇمىستارى جۇرگىزىلىپ جاتىر.
«مادەنيەت جانە سپورت مينيسترلىگى جىل سايىن ەلىمىزدىڭ مەملەكەتتىك مادەنيەت ۇيىمدارى قىزمەتكەرلەرىنىڭ الىس جانە جاقىن شەتەلدەردە بىلىكتىلىك ارتتىرۋ شارالارىن ۇيىمداستىرادى. وسىعان دەيىن مەملەكەتتىك مۋزەيلەر مەن مۋزەي-قورىقتاردىڭ, مۋزىكالىق جانە درامالىق تەاترلاردىڭ, كوستيۋم بۋتوفورياسى مەن كوستيۋم اكسەسسۋارلارى قىزمەتكەرلەرىن وقىتتىق. بۇگىنگى كۇنى قازاقستاندىق كىتاپحانالارداعى سيرەك باسىلىمدارمەن جۇمىس ىستەيتىن جانە رەستاۆراتسيا ماماندارىنىڭ بىلىكتىلىگىن ارتتىرۋ اسا ماڭىزدى بولىپ وتىر», دەدى مادەنيەت جانە سپورت ۆيتسە-ءمينيسترى نۇرعيسا داۋەشوۆ.
