قوعام • 29 ناۋرىز, 2023

تەلەسەريالدار بايقاۋى

515 رەت

كورسەتىلدى

5 مين

وقۋ ءۇشىن

كەيىنگى جىلدارى وتاندىق تاريحي سەريالدار ءجيى ءتۇسىرىلىپ جاتقانىن كورەرمەن قاۋىم جاقسى بىلەدى. وسى ورايدا بيىل وتاندىق سەريال كونتەنتتى كاسىبي تۇرعىدا باعالايتىن «Nauryz» ۇلتتىق بايگەسى اقپارات جانە قوعامدىق دامۋ مينيسترلىگىنىڭ قولداۋىمەن العاش رەت وتكىزىلىپ وتىر. ءدۇبىرلى دوداعا قاتىسۋ ءۇشىن بۇگىنگە دەيىن Nauryz-awards.kz سايتىنا 250-دەن اسا ءوتىنىم كەلىپ تۇسكەن. تەلەتۋىندىلار ءتۇرلى تاقىرىپ پەن كەزەڭدى قامتيدى. كۇنى كەشە عانا شىعارماشىلىق بايقاۋدا جەڭىستەن ۇمىتتىلەر ىرىكتەلىپ, شورت-ليست جاريالاندى.

مارجان ءابىش

ايتا كەتەيىك, الامان بايگەگە 2021 جىلعى 1 قاڭتار – 2022 جىلعى 31 جەلتوقسان ارالىعىندا قازاقستاندىق تەلەارنالاردىڭ ەفيرىنە, YouTube ارناسىندا شىققان سەريالدار جانە سەريال كونتەنتىن جاساۋشى شىعارماشىلىق توپتار مەن اكتەرلەر قۇرامى – بارلىعى 13 اتالىم بويىنشا قاتىسىپ جاتىر.

اتالعان بايقاۋ سەريالدىق كونتەنتتى دامىتۋدى قولداۋ, وتاندىق جانە حالىقارالىق ونلاين پلاتفورمالاردا قازاقستاندىق تەلەحيكايالاردى تەلەديدار كورەرمەنى اراسىندا تانىمال ەتۋ ماقساتىندا ۇيىمداستىرىلىپ وتىر. بۇل, ارينە, از قارجىعا تۇسىرىلەتىن تەلەسەريالدار ءۇشىن ۇلكەن كومەك.

قۇرامىندا تاجىريبەلى رەجيسسەرلەر, پروديۋسەرلەر مەن ەلىمىزدىڭ شىعارماشىلىق ينتەلليگەنتسياسىنىڭ وكىلدەرى بار قازىلار القاسى ۇزدىك جۇمىستاردى انىقتادى. ماراپاتتاۋ ءراسىمى قارساڭىندا قازىلار «Nauryz» ۇلتتىق تەلەسەريالدار بايگەسىنىڭ نومينانتتار ءتىزىمىن جاريالادى. سونىمەن, ۇلتتىق بايگەنىڭ شورت-ليستىنە 52 نومينانت ەندى.

اتاپ ايتساق, «ۇزدىك تاريحي سەريال» – «قانىش. قازىنا» («Qazaqstan» ۇلتتىق ارناسى), «قىزىل جەبە» («الماتى» تەلەارناسى), «مانشۇك» («حابار» تەلەارناسى), «مىرجاقىپ. ويان, قازاق!» («Qazaqstan» ۇلتتىق ارناسى);
«ۇزدىك درامالىق سەريال» – «اقجاۋىن» («Qazaqstan» ۇلتتىق ارناسى), «بىرگە بول» («31 ارنا»), «راۋزا. ساكۋرانىڭ گۇلدەۋى» («حابار» تەلەارناسى), «شانحاي» («كتك» تەلەارناسى);
«ۇزدىك كومەديالىق سەريال» – «باجا» (Salem Social Media), «كەلىنجان» («حابار» تەلەارناسى), «كۇيەۋ بالا» («Qazaqstan» ۇلتتىق ارناسى), «پاترۋل» («نتك» تەلەارناسى);
«ۇزدىك ۆەب-سەريال» – «اپپاق كەلىن» (Salem Social Media), «وينا» (GAKKU تەلەارناسى), «Serjan Bratan» (Salem Social Media), «5:32» (Salem Social Media);
«ۇزدىك اكتەر» – ايان وتەپبەرگەن («اقجاۋىن» سەريالى), ءابۋناسىر سەرىكوۆ («103» سەريالى), بەرىك ايتجانوۆ («انگەل-حرانيتەل» سەريالى), دۋلىعا اقمولدا («Serjan Bratan» سەريالى);
«ۇزدىك اكتريسا» – اقبوتا-نۇر سەيتماعامبەت («باقىتتىڭ كىلتى» سەريالى), اننا ورازباەۆا («قانىش. قازىنا» سەريالى), داريعا بادىقوۆا («كەلىنجان» سەريالى), جانەل سەرعازينا («نيانيا» سەريالى);
«ەكىنشى پلانداعى ۇزدىك اكتەر» – ءادىلجان شومبالوۆ («پاترۋل» سەريالى), عاني قۇلجانوۆ («اقجاۋىن» سەريالى), رۇستەم جانىامانوۆ («كەلىنجان» سەريالى), نارتاي ساۋدانبەك ۇلى («احمەت. ۇلت ۇستازى»);
«ەكىنشى پلانداعى ۇزدىك اكتريسا» – ايگەرىم جاڭىلباەۆا («مەدەۋدە كەزدەسەيىك» سەريالى), زارينا كارمەن («مىرجاقىپ. ويان, قازاق!» سەريالى), كاماليا بايتەلەۋوۆا («اق پەن قارا» سەريالى), رايحان ايتقوجانوۆا («قيمىلداعان قىر اسار» سەريالى);
«ۇزدىك رەجيسسەر» – ەرنار نۇرعاليەۆ («كەلىنجان», «حابار» تەلەارناسى), ەرلان نۇرمۇحامبەتوۆ («قانىش. قازىنا», «Qazaqstan» ۇلتتىق ارناسى), قاناعات مۇستافين («تاعدىر تاسى», «Kanaidar production» youtube), مۇرات ەسجان («مىرجاقىپ. ويان, قازاق!» «احمەت.ۇلت ۇستازى», «Qazaqstan» ۇلتتىق ارناسى);
«ۇزدىك ستسەناريست» – امير امەنوۆ («قانىش. قازىنا», «Qazaqstan» ۇلتتىق ارناسى), بەكزات مىرزاحمەتوۆا («Mystan», Salem Social Media), گۇلنۇر ماماساريپوۆا («كەلىنجان», «حابار» تەلەارناسى), مايا يسكاكوۆا («نيانيا», Salem Social Media);
«ۇزدىك قويۋشى- وپەراتور» – اسقار سەرىكقازين («اكە مەن اكە», «7 ارنا»), باعدات ارعىنوۆ («SHEKER», «Serjan bratan», «5:32», Salem Social Media), ەرنۇر رىسباەۆ («اق پەن قارا», «حابار» تەلەارناسى), قازبەك ءامىرجانوۆ («جۋسان ءيىسى», «Atameken Business» تەلەارناسى);
«ۇزدىك مونتاج» – اقان مۇساقۇلوۆ («جەناتيكي», «31 ارنا»), باۋىرجان نۇركەەۆ («قانىش. قازىنا», «Qazaqstan» ۇلتتىق ارناسى), راحيمجان ياحياروۆ («اق پەن قارا», «حابار» تەلەارناسى), تورەبەك بەيسەباەۆ («اقجاۋىن», «Qazaqstan» ۇلتتىق ارناسى);
«ۇزدىك ساۋندترەك» – «كەلىنجان» («حابار» تەلەارناسى), «قانىش. قازىنا» («Qazaqstan» ۇلتتىق ارناسى), «Sheker» (Salem Social Media), «5:32» (Salem Social Media).

ەسكە سالساق, «NAURYZ–2023» ۇلتتىق بايگەسىنىڭ جەڭىمپازدارى 31 ناۋرىزدا بەلگىلى بولادى. ولارعا NAURYZ ارنايى مۇسىنشەسىمەن بىرگە 1 ميلليون تەڭگە كولەمىندەگى سىياقى تابىستالادى. لاۋرەاتتاردى ماراپاتتاۋ ءراسىمى استانا قالاسى «قازمەديا» ورتالىعىندا وتەدى. ءىس-شاراعا پرەزيدەنت تەلەراديوكەشەنى, «قازاقستان» رترك جانە «حابار «اگەنتتىگى» اق, «ەۋرازيا» ءبىرىنشى ارناسى» جانە «Altyn Qyran Foundation» قوعامدىق قورى دەمەۋشىلىك كورسەتىپ وتىر.