قۇتقارۋشى قۇلتەمىر

ونەرتاپقىش ءجاسوسپىرىمنىڭ ايتۋىنشا, اتالعان قۇلتەمىر ءورت كەزىندە ءتىلسىز جاۋدى ءسون­دىرىپ قانا قويماي, قويۋ ءتۇتىن­نىڭ ىشىنەن ءورت قۇرساۋىندا قال­عان ادامداردى دا ىزدەپ تاباتىن قابىلەتكە دە يە ەكەن. ۆ.كۋز­ميندى وڭىردە ورىن العان ءتۇرلى دەڭگەيدەگى اۋىر اپاتتار ابدەن تولعاندىرعان. اسىرەسە وڭىردە بولعان جويقىن جارىلىس, تو­تەنشە جاعداي ونىڭ ويىن ونعا بولگەن. قىسقاسى, وقىس وقيعا كەزىندە ادامدار باسىن بايگەگە تىكپەي, ولاردىڭ ورنىنا تەحنيكالار جۇمىس ىستەسە دەگەن وي-ارمانىن جۇزەگە اسىرۋعا جەدەل كىرىسكەن. روبوتتىڭ جۇمىسىن وڭ­تايلاندىرۋ جولىن ابدەن قاراستىرعان. ءبىراز ۋاقىتقا سو­زىلعان ىزدەنىستىڭ ارقاسىندا ءتىلسىز جاۋمەن كۇرەسەتىن قۇل­تە­مىر پايدا بولدى.

– روبوتتىڭ الدىندا جولاي كەدەرگى كەلتىرەتىن زاتتاردى جىل­جىتۋعا ارنالعان ارنايى قۇ­رىلعىسى بار. ودان بولەك, الدىندا ورنالاستىرىلعان ارنايى كامەرا ارقىلى سىرتقى جاعدايدى باقىلاۋعا مۇمكىندىك مول. روبوتتىڭ ىشىنە ەكى باك ورنالاستىرىلعان. ونى جاعدايعا قاراي كوپىرشىكپەن نەمەسە سۋمەن تولتىرۋعا بولادى. بۇل قۇلتەمىر سۇيىق­تىقتى كەم دەگەندە 5 مەتر قاشىقتىققا شاشا الادى. روبوتتى قاشىقتىقتان باسقارۋ مۇمكىندىگى دە قاراستىرىلعان. سونداي-اق قۇلتەمىردىڭ ۋلترا­دىبىستىق قوندىرعىسى بار ەكەنىن ايتا كەتكەن ءلازىم. ول وت­تىڭ وشاعىن تابۋعا بارىنشا كومەكتەسەدى. ارينە, ءالى دە كەم سەكىلدى كورىنىپ تۇرعان ءبىر قايناۋىن كەلتىرۋ جولىندا ايانباي تەر توگىپ جاتقان جايىمىز بار, – دەيدى ۆياچەسلاۆ كۋزمين.

ونەرتاپقىش وقۋشى جاڭا­لىعىن ارمەن قاراي جەتىلدىرە تۇسۋگە نيەتتى. ونىڭ ايتۋىنشا, الداعى ۋاقىتتا قۇلتەمىردى درون­مەن بايلانىستىرۋ جولدارىن قاراستىرىپ كورمەك. «قۇل­تەمىردى درونمەن بايلانىستىرۋ ارقىلى كوپقاباتتى ۇيلەردە ءورت بولعان جاعدايدا جىلدام ءارى ساپالى ارەكەت ەتۋ مۇمكىندىكتەرىن قاراستىرىپ جاتقان جايىمىز بار. بۇل روبوت ازىرگە پاتەنتتەلگەن جوق. الداعى ۋاقىتتا وسى ءبىر ەڭبە­گىمىزدى توتەنشە جاع­دايلار دەپارتامەنتىنىڭ ما­ماندارىنا تانىستىرۋدى جوس­پارلاپ وتىرمىز. بۇيىرتسا جاق­سى جاڭالىقتارمەن بولىسەتىن شى­عارمىز», دەيدى ول.

ءتىلسىز جاۋمەن كۇرەسۋگە قا­بى­لەتتى قۇلتەمىردى ويلاپ تاپ­قان وقۋشى الداعى ۋاقىتتا باسقا دا تىڭ يدەيالاردى جۇزەگە اسىرۋعا نيەتتى. الداعىنى ۋا­قىت كورسەتە جاتار. باستىسى, شىناشاقتاي بالانىڭ جاڭا­شىلدىققا ۇمتىلىسى كوڭىل قۋانتادى.

تاراز