اتاۋلى الەۋمەتتىك كومەكتى ونلاين راسىمدەۋگە بولادى

اتالمىش كومەكتى مەملەكەتتىك دەرەكتەر بازاسىندا قامتىلعان ااك كريتەريلەرىنە سايكەس كەلەتىن ازاماتتار الادى. بۇل بىلاي جۇمىس ىستەيدى:

1) اتاۋلى الەۋمەتتىك كومەك الۋعا مۇقتاج – ااك الۋشىعا 1414 نومىرىنەن اۆتوماتتى تۇردە حابارلاما كەلەدى;

2) ااك الۋشى ءوزىنىڭ IBAN شوتىن كورسەتە وتىرىپ, سول حابارلاماعا جاۋاپ رەتىندە ءوزىنىڭ كەلىسىمىن جىبەرەدى;

3) جاۋاپتى العاننان كەيىن eGov.kz «ەلەكتروندىق ۇكىمەت» پورتالى جاردەماقى تاعايىنداۋ ءۇشىن الۋشى تۋرالى مالىمەتتەردى قر ەڭبەك جانە الەۋمەتتىك قورعاۋ مينيسترلىگىنە جىبەرەدى.

حابارلامالاردى ءموبيلدى ازاماتتار بازاسىندا (ماب) تىركەلگەن ازاماتتار عانا الاتىنىن اتاپ ءوتۋ ماڭىزدى.

«ازاماتتارعا ەندى حالىققا قىزمەت كورسەتۋ ورتالىقتارىنا بارۋدىڭ قاجەتى جوق, ءتىپتى ونلاين رەجيمىندە eGov.kz ارقىلى ءوتىنىش بەرۋدىڭ كەرەگى بولمايدى. Invisible Government تۇجىرىمداماسى شەڭبەرىندە ءبىز ازاماتتاردىڭ مەملەكەتتىك ورگاندارمەن بايلانىسۋ قاجەتتىلىگىن بارىنشا ازايتامىز. سونىمەن, 2022 جىلعى 1 قىركۇيەكتەن باستاپ 57 مىڭ ادام مەملەكەتتەن جاردەماقى الۋ ءۇشىن 1414 نومىرىنەن SMS-حابارلاما الدى», دەپ اتاپ ءوتتى «ۇلتتىق اقپاراتتىق تەحنولوگيالار» اق باسقارما توراعاسى روستيسلاۆ كونياشكين.

سونداي-اق ااك الۋعا ءوتىنىمدى eGov.kz پورتالى ارقىلى جانە eGov Mobile ءمبيلدى قوسىمشاسى ارقىلى بەرۋگە بولادى.