«ەلىمىزدىڭ وندىرىستىك الەۋەتىن بارىنشا ارتتىرۋ ماڭىزدى. قازاقستان ەكونوميكاسى ءالى كۇنگە دەيىن پايدالى قازبالارعا تاۋەلدى بولىپ وتىر. ياعني, ەل ەكونوميكاسىنىڭ قۇرىلىمى – قاراپايىم. شىن مانىندە, بىزگە قارقىندى دامۋ ءۇشىن كۇردەلى, ءارتاراپتى ەكونوميكالىق قۇرىلىم قاجەت. ارينە, شيكىزات نارىعىنداعى الەمدىك باسەكەدە ءبىزدىڭ ءوز ارتىقشىلىعىمىز بار. قازىرگى جانە ستراتەگيالىق مىندەتتەردى ورىنداۋ ءۇشىن ونى ءتيىمدى پايدالانۋ قاجەت. سوندىقتان وسى سالانى ودان ءارى دامىتا بەرۋ كەرەك», دەدى پرەزيدەنت.
وسى رەتتە ول جەر قويناۋىن پايدالانۋ سالاسىندا قوردالانعان پروبلەمالار از ەمەسىن ايتتى.
«گەولوگيالىق بارلاۋ جۇمىستارىنىڭ ويداعىداي جۇرگىزىلمەۋى تاۋ-كەن ونەركاسىبىن وركەندەتۋگە كەدەرگى كەلتىرىپ وتىر. مينەرالدى شيكىزات بازاسىن تولىقتىرۋ قارقىنى باسەڭدەپ بارادى. ونىڭ ۇستىنە قازىر يگەرىلىپ جاتقان كەن ورىندارىنىڭ قورى سارقىلا باستادى. قازبا بايلىقتى ءتيىمدى جانە ۇنەمدى پايدالانۋ قاجەت. ول ءۇشىن زاڭنامانى جاقسارتىپ, راسىمدەردى جەڭىلدەتۋ كەرەك. گەولوگيالىق بارلاۋ جانە كەنىشتەردى يگەرۋ ىسىنە ينۆەستيتسيا تارتۋ ايرىقشا ماڭىزدى. ۇكىمەت پەن پارلامەنت وسى سالاعا قاتىستى ناقتى شارالار ازىرلەۋگە ءتيىس», دەدى مەملەكەت باسشىسى.
