سونىڭ ىشىندە «اقسوراڭ» كەن ورنىنان جىلىنا 4,8 مىڭ توننا ۆولفرام الىنىپ, بۇل جوبا 2021-2023 جىلدارى يگەرىلىپ, شامامەن 147,5 ملرد تەڭگە سالىناتىنى, ال «بايان» كەن ورنى 2022-2024 جىلدارى يگەرىلىپ, جىلىنا 6,5 مىڭ توننا كونتسەنترات الىناتىنى بەلگىلى بولعان. سونىمەن قاتار 2019 جىلى وسى اۋدانداعى «سىرىمبەت» كەن ورنىنان قالايى كونتسەنتراتى الىنىپ, بۇل جوباعا 100 ملرد تەڭگە قۇيىلاتىنى جانە 2022 جىلدان باستاپ ونى ەكسپورتقا شىعارۋ جوسپارلانعانى دا جاريالانعان. ءتىپتى جىلىنا 10 مىڭ توننا ءونىم الىنىپ, 600-دەي جۇمىس ورنى اشىلادى دەلىنگەن. بىراق سودان بەرى جۇمىس قىزىپ, ءوندىرىس العا ورلەپ كەتتى دەپ ايتا المايمىز. بۇعان ىندەتتىڭ دە كەسىرى تيگەن بولۋى كەرەك.
سودان بەرى حالىقارالىق ساراپشىلار وسى جوبالار ىسكە اساتىن بولسا, قازاقستاننىڭ تاۋ-كەن ءوندىرىسى سالاسى كۇرت العا جىلجيتىنىن ايتىپ ءجۇر. وسى ۋاقىتقا دەيىن ورتالىق ازيانىڭ باسقا مەملەكەتتەرى سياقتى قازاقستان دا اتالعان ونىمدەردى سىرتتان تاسىپ كەلگەن ەدى. ال ەندى مىنا كەن ورىندارى يگەرىلسە ساراپشىلار قازاقستان ءتۇستى مەتاللۋرگيا وندىرۋدەن الەمدەگى الدىڭعى ورىنداردىڭ بىرىنە شىعادى دەپ وتىر ساراپشىلار. حالىقارالىق JORC كلاسسيفيكاتسياسى تەك «سىرىمبەت» كەن ورنىنان 123,3 ملن توننا رۋدا قازىپ, ودان 492,4 مىڭ توننا قالايى الۋعا بولادى, دەيدى.
قازىر «Tin One Mining» اق كەن وندىرۋگە قاجەتتى ينفراقۇرىلىمدى 2028 جىلعا دەيىن ىسكە اسىراتىن جوبانىڭ كەلىسىمشارتىنا قول قويىلدى. سونىڭ ىشىندە زەرتحانالار مەن ينجەنەرلىك كوممۋنيكاتسيانى ورنالاستىراتىن ۆاحتالىق كەنتتەردىڭ قۇرىلىستارىن جۇرگىزۋگە دايىندىق باستالادى. ال بيىل كەن ورنىنا ەلەكتر جەتكىزۋ جەلىسى دە تارتىلماق.
قالايى, ۆولفرام, موليبدەن – ۇشەۋى كوبىنە ءبىر جەردەن تابىلادى. سونىمەن بىرگە كەيبىر باسقا دا ەلەمەنتتەرمەن قوسىلىپ جاتادى. سونىڭ ىشىندە ۆولفرام ىستىققا بارىنشا شىدامدى, ەلەكتروتەحنيكا جانە ەلەكترون ونەركاسىبىندە قولدانىلادى. قازىر الەمدەگى بارلانعان قورى 3 ملن توننادان اسادى. بۇل كەننىڭ اسا ءىرى قورى قىتاي, كانادا, اقش, بوليۆيادا جانە ءبىزدىڭ ەلدە. سونىڭ ىشىندەگى قىتايداعى قورى 80% دەپ تانىلعان.
باسقالارىنىڭ ءىرى قورلارى قىتاي, برازيليا, مالايزيا, يندونەزيا, بوليۆيا, تايلاند جانە اۋستراليادا ورنالاسقان. رەسەيدىڭ ۆەرحويان-چۋكوت جانە سيحوتە-الين جوتالارىنان دا تابىلادى.
كەن ورىندارىن قازۋمەن اينالىساتىن استانالىق «ەسiل-Mining» جشس ايىرتاۋ اۋدانىنداعى جوعارىدا اتالعان كەن ورىندارىن قازۋعا كەلىسىم جاساعان ەدى. وسى فيرمانىڭ ينتەرنەتتەگى دەرەكتەرىنە قاراعاندا كومپانيا 2011 جىلى تىركەلىپ, وسى سالادا 2013 جىلدان بەرى قىزمەت ەتەدى. قازاقستان زاڭدارىن ساقتاي وتىرىپ, حالىقارالىق CRIRSCO ساپا ستاندارتىنا سايكەس جۇمىس ىستەيتىن كورىنەدى.
جۋىردا وبلىس اكىمى ايداربەك ساپاروۆ «Tin One Mining» باسشىلارىمەن كەزدەسىپ, بولاشاق جۇمىستاردىڭ بارىسىن تالقىلادى.
«وسى مەتاللۋرگيالىق كومبيناتتار ىسكە اسىپ, كەن ءوندىرۋ لايىقتى دەڭگەيدە جۇرگىزىلسە, جاڭادان 1 500 جۇمىس ورنى اشىلادى. ال جوبانىڭ ەكونوميكالىق تيىمدىلىگى وسى ايماققا ورنالاسقان ەلدى مەكەندەردەگى 10 مىڭداي ادامنىڭ تۇرمىستىق جاعدايىن جاقسارتادى دەپ ۇمىتتەنەمىز», دەدى وبلىس باسشىسى.
سولتۇستىك قازاقستان وبلىسى
