«قازگيدرومەت» رمك مالىمەتى بويىنشا, قازاقستاننىڭ باتىسىندا, سولتۇستىگىندە, وڭتۇستىگىندە اتموسفەرالىق فرونتالدى ۋچاسكەلەردىڭ وتۋىمەن جاۋىن-شاشىن كۇتىلەدى.
سينوپتيكتەردىڭ حابارلاۋىنشا, رەسپۋبليكانىڭ قالعان بولىگىندە جوعارى قىسىمدى القاپتىڭ اسەرىنەن كۇن جاۋىن-شاشىنسىز وتەدى.
رەسپۋبليكا بويىنشا تۇمان, جەلدىڭ كۇشەيۋى ساقتالادى, وڭتۇستىكتە نايزاعاي ويناپ, سولتۇستىكتە كوكتايعاق بولادى.
«الداعى تاۋلىكتە ەلىمىزدىڭ وڭتۇستىك-شىعىسىنداعى جانە شىعىسىنداعى وزەندەردەگى, سونداي-اق رەسپۋبليكانىڭ جازىق اۋماعىنداعى وزەندەرىندە قاردىڭ قارقىندى ەرۋى, ەرىگەن اعىندى سۋلاردىڭ قالىپتاسۋى, مۇز قۇبىلىستارىنىڭ السىرەۋى جانە سۋ دەڭگەيىنىڭ كوتەرىلۋى كۇتىلەدى», دەپ حابارلادى «قازگيدرومەت».
جاۋىن-شاشىننىڭ بولجامىنا بايلانىستى وڭتۇستىك جانە وڭتۇستىك-شىعىستاعى تاۋلى وزەندەردەگى سۋ دەڭگەيى كوتەرىلۋى مۇمكىن.
استانادا – كوشپەلى بۇلت شىعادى, جاۋىن-شاشىنسىز. تۇندە جانە تاڭەرتەڭ تۇمان. وڭتۇستىك-باتىستان سوعاتىن جەل سولتۇستىك-شىعىسقا اۋىسادى, تۇندە 2-7, كۇندىز 9-14 م/س. اۋا تەمپەراتۋراسى تۇندە شامامەن 0°س, كۇندىز +12+14°س.
الماتىدا – كوشپەلى بۇلت شىعادى, جاۋىن-شاشىنسىز. جەل 0-5 م/س. اۋا تەمپەراتۋراسى تۇندە +5+7°س, كۇندىز +21+23°س.
شىمكەنتتە – كوشپەلى بۇلت شىعادى, كۇندىز – جاڭبىر جاۋادى, نايزاعاي وينايدى. وڭتۇستىك-شىعىستان وڭتۇستىك-باتىسقا اۋىساتىن جەل 8-13, كۇندىز ەكپىنى 15-20 م/س. اۋا تەمپەراتۋراسى تۇندە +11+13°س, كۇندىز +23+25°س.
