ونىڭ ايتۋىنشا, جىل باسىنان بەرى الماتىدا ەسىرتكى زاتتارىنا قاتىستى 205 قىلمىس انىقتالدى, سونداي-اق ەسىرتكى ساتۋعا قاتىستى تاعى 35 دەرەكتىڭ جولى كەسىلدى.
«وسىلايشا, جالپى سوماسى 187,5 ملن تەڭگە بولاتىن 30 مىڭ دوزا الەۋەتتى تۇتىنۋشىلارعا جەتپەي قالدى. بۇل رەتتە سينتەتيكالىق ەسىرتكى شىعاراتىن 3 ەسىرتكى زەرتحاناسى جويىلدى. ەسىرتكى قويماسىن ۇيىمداستىرۋدىڭ 2 دەرەگى جانە قۇرامىندا ەسىرتكىسى بار وسىمدىكتەردى ءوسىرۋدىڭ 1 دەرەگى انىقتالدى. جالپى, الماتى پوليتسەيلەرى 60 كەلى ەسىرتكى تاركىلەدى», دەدى سالتانات ازىربەك.
سپيكەردىڭ ايتۋىنشا, سينتەتيكالىق ەسىرتكىنى ونلاين ساتۋ ماسەلەسىنە توسقاۋىل قويۋ ماسەلەسى قولعا الىنعان.
«بيىل 27 ەسىرتكى كۋرەرى, ەسىرتكى تاراتاتىن جانە جارنامالاناتىن 73 ينتەرنەت-رەسۋرس انىقتالدى. ينتەرنەتتەگى اقپاراتتى ودان ءارى بۇعاتتاۋ ءۇشىن بارلىق دەرەكتەر «كيبەرنادزورعا» جىبەرىلدى», دەدى ول.
جىل باسىنان بەرى الماتىدا 300-گە جۋىق پروفيلاكتيكالىق ءىس-شارا جۇرگىزىلدى. اسىرەسە, ناركولوگ-دارىگەرلەرمەن بىرلەسە, اقپاراتتىق جۇمىس جۇرگىزۋگە باسا نازار اۋدارىلدى.
