«قازىرگى تاڭدا ەكولوگيا جانە تابيعي رەسۋرستار مينيسترلىگى جالپى قۇنى 630,8 ملن تەڭگە بولاتىن ەگىندىكول اۋىلىنان ستەپنياك قالاسىنداعى استىق قابىلداۋ پۋنكتىنە دەيىنگى ۇزىندىعى 15 شاقىرىم نۇرا توپتىق سۋ قۇبىرى ۋچاسكەسىن رەكونسترۋكتسيالاۋ جوباسىن ىسكە اسىرىپ جاتىر. بيىل جوبانى ىسكە اسىرۋدىڭ باسىندا رەسپۋبليكالىق بيۋدجەتتەن 330 ملن تەڭگە سوماسىندا قاراجات كوزدەلگەن. جوبا 2024 جىلدىڭ شىلدەسىندە اياقتالادى دەپ جوسپارلانىپ وتىر. سونىمەن قاتار جىل سوڭىنا دەيىن جالپى ۇزىندىعى 337 شاقىرىم بولاتىن نۇرا سۋ قۇبىرىنىڭ قالعان ۋچاسكەلەرىن رەكونسترۋكتسيالاۋعا باعىتتالعان جوبالاۋ-سمەتالىق قۇجاتتامانى ازىرلەۋ اياقتالادى. رەكونسترۋكتسيالاۋدىڭ قۇنى شامامەن 16 ملرد تەڭگەنى قۇرايدى. ىسكە اسىرۋ كەزەڭى – 2024-2026 جىلدار», دەپ جاۋاپ بەردى ءاليحان سمايىلوۆ.
ۇكىمەت باسشىسىنىڭ ايتۋىنشا, ەسىلدىڭ ارناسىنداعى سۋدى ءتيىمدى پادالانۋ ماقساتىندا 2024 – 2027 جىلدارى بۇزىلىق سۋ قويماسى سالىنادى.
«ەكولوگيا مينيسترلىگى شىلدە ايىندا كوكتەمگى مول سۋدى رەتتەپ, جيناقتاۋ ءۇشىن سونداي-اق ونىڭ ەسىلدىڭ تومەن جاعىنداعى سەرگەەۆ, پەتروپاۆل سۋ قويمالارىنىڭ تۇراقتى جۇمىسىن قامتاماسىز ەتۋ ءۇشىن ەسىل قارىمتا رەتتەگىشىن (بۇزىلىق سۋ قويماسى) سالۋ جوباسى بويىنشا جوبالاۋ-سمەتالىق قۇجاتتاما ازىرلەۋدى اياقتايدى. قۇرىلىستىڭ بولجامدى قۇنى – 43 ملرد تەڭگە. ىسكە اسىرۋ كەزەڭى – 2024 – 2027 جىلدار», دەدى پرەمەر-مينيستر.
