استانا قالاسىنان جاراتىلىستانۋ-ماتەماتيكا باعىتى بويىنشا (9-11 (12) سىنىپتار) 70 وقۋشى باق سىنادى.
ەلوردانىڭ جاس زياتكەرلەرى وليمپياداداعى ۇزدىك جەتىستىكتەرىمەن قۋانتتى. جاس وليمپياداشىلار 50 جۇلدەلى ورىنعا يە بولىپ, جوعارى ءبىلىم دەڭگەيلەرىن كەزەكتى رەت دالەلدەدى. سونىمەن استانا قالاسىنىڭ قورجىنىندا 7 التىن, 18 كۇمىس جانە 25 قولا مەدال بار.
ەلوردا وقۋشىلارىنىڭ وليمپياداداعى كورسەتكىشتەرى جىل سايىن ارتىپ كەلەدى. بيىل تالانتتى وقۋشىلاردىڭ وليمپيادادا قول جەتكىزگەن جۇلدەلەرىنىڭ كورسەتكىشى 72% قۇرادى. ال وتكەن 2021-2022 وقۋ جىلىندا بۇل كورسەتكىش 50% بولاتىن.
وليمپيادانىڭ سوڭعى كەزەڭىندەگى ەلوردالىق وقۋشىلاردىڭ جەتىستىگى — ولاردىڭ تىنىمسىز دايىندىعى جانە سول جولدا جان-جاقتى دايىنداپ, ءبىلىم نارىمەن سۋسىنداتقان جەتەكشىلەرىنىڭ جەمىسى. وقۋشىلاردىڭ ءوز قارىم-قابىلەتىمەن قوسا, تالانتىن تانىپ, دارىنىن ۇشتاي بىلگەن ۇستازداردىڭ دا ەڭبەگى ەرەن.
پەداگوگتەردىڭ جوعارى كاسىبيلىگى مەن شىعارماشىلىق ەڭبەگىنىڭ ارقاسىندا ەلوردالىق وقۋشىلار جىل سايىن ءتۇرلى دەڭگەيدەگى زياتكەرلىك وليمپيادالاردا جوعارى ناتيجەلەر كورسەتىپ كەلەدى.
